Banaskantha News: બનાસકાંઠા જિલ્લામાં ગાંજાની હેરાફેરીના કેસમાં પાલનપુર કોર્ટે દંપતીને કડક (Cannabis Smuggling Case) સજા ફટકારી છે. વર્ષ 2023માં પાલનપુર નજીક કાણોદર વિસ્તારમાંથી આશરે 36 કિલો ગાંજા સાથે ઝડપાયેલા દંપતી સામે ચાલી રહેલી કાયદાકીય કાર્યવાહી પૂર્ણ થયા બાદ બંને આરોપીઓને 14 વર્ષની સજા ફટકારવામાં આવી હોવાનું સામે આવ્યું છે.
કાણોદર નજીક SOGએ દંપતીને ઝડપી પાડ્યું હતું
મળતી માહિતી મુજબ, વર્ષ 2023માં બનાસકાંઠા પોલીસની SOG ટીમે કાણોદર નજીક કાર્યવાહી કરીને દંપતીને ગાંજાના જથ્થા સાથે ઝડપી પાડ્યું હતું. આરોપીઓ પાસેથી અંદાજે 36 કિલો ગાંજો મળી આવ્યો હોવાનું સામે આવ્યું હતું. પોલીસની પ્રાથમિક તપાસમાં ગાંજાનો જથ્થો અન્ય સ્થળે પહોંચાડવાની તૈયારી(Ganja Trafficking) હોવાની વિગતો સામે આવી હતી. આરોપીઓ ગાંજાની ડિલિવરી માટે સિદ્ધપુર તરફ જઈ રહ્યા હતા તે પહેલાં જ પોલીસના હાથે ઝડપાઈ ગયા હતા.
Cannabis Smuggling Case: ગાંજાની ડિલિવરી પહેલાં જ પોલીસની કાર્યવાહી
પોલીસને મળેલી બાતમીના આધારે હાથ ધરાયેલી કાર્યવાહીમાં દંપતીને ઝડપી લેવામાં આવ્યું હતું. ગાંજાનો જથ્થો એક સ્થળેથી બીજા સ્થળે પહોંચાડવાનો પ્રયાસ થઈ રહ્યો હોવાનો આરોપ હતો. પોલીસે ગાંજો કબજે કરીને બંને સામે NDPS Actકાયદા હેઠળ ગુનો નોંધ્યો હતો. આરોપીઓ સામે નોંધાયેલા ગુનામાં તપાસ પૂર્ણ થયા બાદ મામલો પાલનપુર કોર્ટમાં (Palanpur Court) પહોંચ્યો હતો. કેસ દરમિયાન પોલીસ દ્વારા એકત્રિત કરવામાં આવેલા પુરાવા અને અન્ય વિગતોના આધારે કોર્ટમાં કાર્યવાહી હાથ ધરવામાં આવી હતી. કેસની સુનાવણી પૂર્ણ થયા બાદ કોર્ટે બંને આરોપીઓને દોષિત ઠેરવી 14 વર્ષની કેદની સજા ફટકારી હોવાનું સામે આવ્યું છે.
નશીલા પદાર્થોની હેરાફેરી સામે કડક સંદેશ
36 કિલો ગાંજાના જથ્થા સાથે ઝડપાયેલા દંપતીને લાંબી કેદની સજા મળતાં નશીલા પદાર્થોની હેરાફેરી કરનારાઓ સામે કડક સંદેશ ગયો છે. આ કેસમાં પોલીસની તપાસ અને કોર્ટની કાર્યવાહી બાદ બંને આરોપીઓને 14 વર્ષની સજા ફટકારવામાં આવી છે. નશીલા પદાર્થોના ગેરકાયદે વેપાર અને હેરાફેરી સામે પોલીસ દ્વારા સતત કાર્યવાહી કરવામાં આવી રહી છે. બનાસકાંઠાનો આ કેસ પણ NDPS કાયદા હેઠળ નોંધાયેલા ગંભીર ગુનાઓમાં મહત્વપૂર્ણ માનવામાં આવી રહ્યો છે.
આ પણ વાંચો: અમદાવાદમાં રૂ.23.52 લાખનો હાઇબ્રિડ ગાંજો ઝડપાયો, SOGએ યુવકને ઝડપી પાડ્યો
આ પણ વાંચો: અમદાવાદ એરપોર્ટ પરથી 11 કિલો ગાંજો ઝડપાયો
