World News : અમેરિકા અને ઈરાન (Iran)વચ્ચેનો તણાવ ફરી એકવાર તેજ બનતો દેખાઈ રહ્યો છે. અમેરિકાના પૂર્વ રાષ્ટ્રપતિ Donald Trumpએ ઈરાનના નેતૃત્વ પર કડક નિવેદન આપતાં દાવો કર્યો કે ઈરાન વાટાઘાટો માટે અંદરખાને તૈયાર છે, પરંતુ જાહેરમાં તે વાતને નકારી રહ્યું છે. તેમના મુજબ ઈરાન સૈન્ય દૃષ્ટિએ નબળું પડ્યું છે અને હવે સમાધાન માટે દબાણમાં છે.
ટ્રમ્પે ચેતવણી આપતા જણાવ્યું કે ઈરાને (Iran)તાત્કાલિક ગંભીરતા દાખવવી જોઈએ, નહિતર પરિસ્થિતિ વધુ બગડી શકે છે. તેમણે ઉમેર્યું કે એકવાર સ્થિતિ નિયંત્રણ બહાર જશે તો તેને પાછી સંભાળવી મુશ્કેલ બની શકે છે અને તેના ગંભીર પરિણામો આવી શકે છે. આ નિવેદનોથી સ્પષ્ટ થાય છે કે બંને દેશો વચ્ચે તણાવ હજી યથાવત છે.
આ સાથે ટ્રમ્પે NATO પર પણ નિશાન સાધ્યું હતું. તેમણે નાટોને “પાગલ” ગણાવીને આક્ષેપ કર્યો કે ઈરાન(Iran) મુદ્દે અમેરિકાને પૂરતું સહયોગ મળ્યો નથી. છેલ્લા કેટલાક દિવસોમાં ટ્રમ્પ શાંતિપૂર્ણ વાતચીત માટે આગ્રહ રાખતા દેખાયા છે, જ્યારે ઈરાન તરફથી વાટાઘાટોને લઈને વિપરીત અભિગમ જોવા મળી રહ્યો છે.
માહિતી મુજબ, ટ્રમ્પે એવો દાવો કર્યો છે કે ઈરાન કેટલાક કરારો માટે તૈયાર છે, પરંતુ તેની સામે પોતાની શરતો પણ મૂકી છે. આ પરિસ્થિતિમાં બંને દેશો વચ્ચે સમજૂતી થશે કે તણાવ વધુ વધશે—તે હજી અનિશ્ચિત છે.
આ દરમિયાન White House તરફથી પણ કડક સંદેશ આપવામાં આવ્યો છે. 25 માર્ચે જાહેર કરાયેલા નિવેદન મુજબ, જો ઈરાન સાથે કોઈ સમાધાન નહીં થાય તો અમેરિકા મોટું સૈન્ય પગલું લઈ શકે છે. પ્રેસ સેક્રેટરી કેરોલિન લેવિટે સ્પષ્ટ કર્યું કે આ માત્ર ધમકી નથી, પરંતુ જરૂર પડે તો અમેરિકા કડક કાર્યવાહી કરવા તૈયાર છે.
આ સમગ્ર પરિસ્થિતિને ધ્યાનમાં રાખીને વિશ્વભરના દેશો ચિંતિત છે અને આશા રાખી રહ્યા છે કે તણાવ ટૂંક સમયમાં શાંત થશે અને શાંતિપૂર્ણ ઉકેલ મળશે.
