Gujarat Weather: રાજ્યમાં છેલ્લા કેટલાક દિવસોથી ભારે ગરમી (Heat) પડી રહી છે, પરંતુ તેનાથી પીડાતા લોકોને હવે થોડી રાહત મળી છે. પવનની દિશામાં ફેરફાર અને પશ્ચિમી વિક્ષેપની અસરથી તાપમાનમાં 2 થી 3 ડિગ્રીનો ઘટાડો થયો છે. જોકે, મોટાભાગના શહેરોમાં તાપમાન હજુ પણ 38 ડિગ્રી સુધી પહોંચી રહ્યું છે. દરમિયાન, હવામાન વિભાગે આગામી બે દિવસ, 18 અને 19 માર્ચ દરમિયાન રાજ્યના ઘણા વિસ્તારોમાં કમોસમી વરસાદની આગાહી કરી છે.
ગરમી (Heat) વચ્ચે માવઠાની આગાહીથી ખેડૂતોમાં ચિંતા
કમોસમી વરસાદની (Unseasonal Rain) આગાહી (Forecast) થી ખેડૂતો (Farmers)ની ચિંતા વધી ગઈ છે. હાલમાં ખેતરો (Farm) માં રહેલા પાક(Crop)ને નુકસાન થવાની ભીતિ છે, જેમાં જીરું, ઘઉં, ચણા અને વરિયાળીનો સમાવેશ થાય છે. ખાસ કરીને ગીર પંથકમાં, કેસર કેરીની મોસમ ખેડૂતો અને કેરી(Mango)ના બગીચાને જોખમમાં મૂકી રહી છે. વધુ પડતો વરસાદ કેરીને નુકસાન પહોંચાડી શકે છે.
પવનની દિશામાં ફેરફારથી તાપમાનમાં વધુ ઘટાડો
ગુજરાત માર્ચની શરૂઆતથી જ તીવ્ર ગરમી (Heat)નો અનુભવ કરી રહ્યું છે. છેલ્લા કેટલાક દિવસોમાં, લોકોને ભીષણ ગરમી સહન કરવી પડી છે, રાજ્યભરના ઘણા શહેરોમાં તાપમાન 42 ડિગ્રીની આસપાસ પહોંચી ગયું છે. થોડા દિવસ પહેલા અમદાવાદમાં મહત્તમ તાપમાન 42 ડિગ્રી સુધી પહોંચી ગયું હતું, જે સામાન્ય કરતા લગભગ 4 થી 5 ડિગ્રી વધારે નોંધાયું હતું. હવે, પવનની દિશામાં ફેરફાર અને પશ્ચિમી વિક્ષોભને કારણે, તાપમાનમાં થોડો ઘટાડો થયો છે.
તાપમાનમાં નોંધપાત્ર ઘટાડો
છેલ્લા 24 કલાકમાં, રાજ્યભરના મોટાભાગના શહેરોમાં તાપમાનમાં 2 થી 3 ડિગ્રીનો ઘટાડો થયો છે. હવામાન વિભાગે આગાહી કરી છે કે ગુજરાતના લોકોને આજથી, 14 માર્ચથી શરૂ થતી ગરમીથી થોડી રાહત મળશે. દરમિયાન, કચ્છ, રાજકોટ અને સુરેન્દ્રનગર જિલ્લામાં 24 કલાક માટે ગરમીનું મોજું ચાલવાની આગાહી કરવામાં આવી છે. દરિયાકાંઠાના વિસ્તારોમાં પણ ગરમ અને ભેજવાળા પવન ફૂંકાય તેવી શક્યતા છે. બે દિવસ માટે ઘણા જિલ્લાઓમાં ભારે વરસાદની આગાહી કરવામાં આવી છે.
હવામાન વિભાગના જણાવ્યા અનુસાર, 18 અને 19 માર્ચે રાજ્યના ઘણા વિસ્તારોમાં કમોસમી વરસાદની શક્યતા છે. 18 માર્ચે કચ્છ, બનાસકાંઠા અને પાટણ જિલ્લામાં હળવો વરસાદ થવાની સંભાવના છે. ૧૯ માર્ચે કચ્છ, બનાસકાંઠા, પાટણ, સુરેન્દ્રનગર, મોરબી, રાજકોટ, બોટાદ, ભાવનગર, અમરેલી, ગીર સોમનાથ, વડોદરા, છોટા ઉદેપુર, ભરૂચ, નર્મદા, સુરત અને તાપી જિલ્લામાં છૂટાછવાયા વરસાદની આગાહી છે.
આ પણ વાંચો: ગુજરાતમાં માવઠાની આગાહી,18-19 માર્ચે વરસાદ સાથે આકરી ગરમીમાંથી મળશે રાહત
આ પણ વાંચો: ગુજરાતમાં માર્ચમાં તીવ્ર હીટવેવનો પ્રકોપ, હવામાન વિભાગે અનેક જિલ્લાઓમાં રેડ, ઓરેન્જ અને યલો એલર્ટ જારી કર્યા
આ પણ વાંચો: હવામાન વિભાગની આગાહી, ગુજરાતમાં 42°C સુધી તાપમાન, અનેક જિલ્લામાં હીટવેવ એલર્ટ!
