Cheapest Electric Scooters: ભારતીય ઓટોમોબાઇલ માર્કેટમાં ઇલેક્ટ્રિક સ્કૂટર્સની સંખ્યા સતત વધી રહી છે. આવી સ્થિતિમાં જો તમે એવું ઇલેક્ટ્રિક સ્કૂટર ખરીદવાનું વિચારી રહ્યા છો, જે તમારા ખિસ્સા પર વધારે ભાર ન મૂકે, એટલે કે જે ઓછી કિંમતનું હોય, તો આજે તમને આવા જ કેટલાક સ્કૂટર વિશે માહિતી આપવા જઈ રહ્યા છીએ. જેની કિંમત રૂ. 45,000 (એક્સ-શોરૂમ) થી શરૂ થાય છે જ્યારે મોટાભાગના પેટ્રોલ સંચાલિત સ્કૂટરની કિંમત વધુ હોય છે.
Avon E Scoot (એક્સ-શોરૂમ કિંમત – 45,000 રૂપિયા)
Avon E Scootની કિંમત 45,000 રૂપિયા (એક્સ-શોરૂમ, દિલ્હી) છે. તેમાં 215 વોટની BLDC મોટર મળે છે. તેની 48v/20ah બેટરીને સંપૂર્ણ ચાર્જ થવામાં 6-8 કલાક લાગે છે. કંપનીનો દાવો છે કે આ ઇલેક્ટ્રિક સ્કૂટર 65 કિમી/ચાર્જ રેન્જ આપે છે અને તેની ટોપ સ્પીડ 24 કિમી પ્રતિ કલાક છે.
બાઉન્સ ઇન્ફિનિટી E1 (એક્સ-શોરૂમ કિંમત – રૂ 45,099)
Bounce Infinity E1 ઈલેક્ટ્રિક સ્કૂટરને બે વેરિઅન્ટમાં રજૂ કરવામાં આવ્યું છે. બેટરી પેક વિનાની Infinity E1 ની કિંમત 45,099 રૂપિયા છે અને બેટરી પેક સાથે Infinity E1 ની કિંમત 68,999 રૂપિયા છે. તેમાં 1500 વોટની BLDC મોટર મળે છે. તે 85 કિમી/ચાર્જની રેન્જ આપી શકે છે.
હીરો ઇલેક્ટ્રિક ફ્લેશ (એક્સ-શોરૂમ કિંમત – રૂ. 46,640)
હીરો ઇલેક્ટ્રિક ફ્લેશની કિંમત રૂ. 46,640 થી શરૂ થાય છે અને રૂ. 59,640 સુધી જાય છે. ઇ-સ્કૂટર બે વેરિઅન્ટમાં ઉપલબ્ધ છે – LX VRLA અને ટોપ વેરિઅન્ટ Flash LX. એવો દાવો કરવામાં આવે છે કે હીરો ઇલેક્ટ્રીક ફ્લેશની ટોપ સ્પીડ 25 કિમી પ્રતિ કલાક છે અને તે 85 કિમી/ચાર્જ રેન્જ આપી શકે છે.
Avan Trend E (એક્સ-શોરૂમ કિંમત – રૂ. 56,900)
Avan Trend Eની કિંમત રૂ 56,900 (એક્સ-શોરૂમ, દિલ્હી) છે. તેને બે વેરિઅન્ટ્સમાં રજૂ કરવામાં આવ્યું છે – સિંગલ બેટરી પેક અને ડબલ બેટરી પેક. સિંગલ-બૅટરી સંચાલિત વેરિઅન્ટની રેન્જ 60 કિમી છે જ્યારે ડબલ-બૅટરી સંચાલિત વેરિઅન્ટ 110 કિમી સુધીની રેન્જ ધરાવે છે. બંને વેરિઅન્ટની ટોપ સ્પીડ 45 kmph છે.
આ પણ વાંચો: TELANGANA/ સાંપ્રદાયિક સૌહાર્દનું અનોખું ઉદાહરણ, મુસ્લિમ સરપંચે રામ મંદિર નિર્માણ માટે 25 લાખનું દાન આપ્યું
આ પણ વાંચો: Gujarat HC/ 86 વર્ષના વૃદ્ધને પુત્ર ગુમ થયાના 38 વર્ષ બાદ મળ્યું ડેથ સર્ટિફિકેટ
