મુંબઈ
ઘણી રાહ જોયા બાદ અંતે સુશાંત રાજપૂત અને શ્રદ્ધા કપૂરની આવનારી ફિલ્મ ‘છિછોરે’ નું ફર્સ્ટ લુક જાહેર કરવામાં આવ્યું છે. આ ફિલ્મનું નિર્દેશન ‘ દંગલ ‘ ફેમ નીતેશ તિવારીએ કર્યું છે.
ઉલ્લેખનીય છે કે છિછોરે ફિલ્મના ફર્સ્ટ લુકમાં શ્રદ્ધા અને સુશાંતને ઓળખવા ઘણા મુશ્કેલ છે. આ ફિલ્મનું ફર્સ્ટ પોસ્ટર તો દિલચસ્પ છે જ પણ તેની પર લખેલું કેપ્શન આ ફિલ્મને વધારે દિલચસ્પ બનાવી રહ્યું છે. પોસ્ટર પર લખ્યું છે કે ‘ કૂતરાની પૂંછડી વાંકી ને વાંકી ‘. આ કેપ્શન પરથી ફિલ્મ કોમેડી હશે તેવું લાગી રહ્યું છે. તેટલું જ નહી પરંતુ દરેક પત્રોના ડબલ રૂપ પોસ્ટરમાં દેખાઈ રહ્યા છે. ૭ પાત્રો જે આ ફિલ્મમાં દેખાશે તેમને જુવાન અને વૃદ્ધ બતાવાયા છે. પોસ્ટર પરથી આ ફિલ્મ ઘણી દિલચસ્પ લાગી રહી છે.
આ પોસ્ટર પર દરેક પાત્રોના નામ પણ લખ્યા છે જે ઘણા જોરદાર છે. આ ફિલ્મમાં નેગેટીવ રોલમાં પ્રતિક બબ્બર જોવા મળશે. છિછોરે ફિલ્મને સાજીદ નડિયાદવાલા પ્રોડ્યુસ કરી રહ્યા છે.
છિછોરે ફિલ્મ આવતા વર્ષે રીલીઝ થશે.
