બાળકોનો વધતો સ્ક્રીન ટાઈમ! Health અને પર આંખો મોટું જોખમ!

Health Research on Children: આજે લગભગ દરેક માતાપિતાની એક જ ફરિયાદ હોય છે કે તેમનું બાળક મોબાઈલ કે ટીવી વિના રહેતું નથી. શાળાના કામથી લઈને ગેમિંગ સુધી બાળકોનો સ્ક્રીન ટાઈમ (Screen Time) ચિંતાજનક હદે વધી ગયો છે. તાજેતરના સંશોધનો મુજબ, આ આદત માત્ર આંખો પર જાડા ચશ્મા જ નથી લાવી રહી, પરંતુ બાળકોમાં વજન વધારવા અને સ્થૂળતા (Obesity) માટે પણ જવાબદાર છે.

સ્ક્રીન ટાઈમ અને સ્થૂળતા વચ્ચેનો સીધો સંબંધ

નિષ્ણાંત ડોકટરોએ જણાવ્યું છે કે, બાળકોમાં વજન વધવાનું મુખ્ય કારણ બેઠાડુ જીવનશૈલી છે. સ્માર્ટફોન, ટેબ્લેટ અને ગેમિંગ કન્સોલ પર કલાકો વિતાવવાને કારણે શારીરિક(Health) પ્રવૃત્તિ શૂન્ય થઈ જાય છે. જ્યારે બાળક હલનચલન નથી કરતું, ત્યારે શરીરમાં ઉર્જાનો ખર્ચ થતો નથી અને તે ચરબીના સ્વરૂપમાં જમા થાય છે.

પ્રોસેસ્ડ ફૂડ અને જાહેરાતોની માયાવી દુનિયા

રિસર્ચમાં એક ચોંકાવનારો ખુલાસો થયો છે કે, જે બાળકો વધુ સ્ક્રીન ટાઈમ વિતાવે છે, તેઓ ડિજિટલ પ્લેટફોર્મ પર આવતી ઉંચી કેલરીવાળા પ્રોસેસ્ડ ફૂડની જાહેરાતોથી જલ્દી પ્રભાવિત થાય છે. આનાથી તેમની ખાવાની આદતો બગડે છે અને તેઓ ફળ કે શાકભાજીને બદલે જંક ફૂડ તરફ વળે છે, જે અંતે સ્વાસ્થ્ય (Health)માટે જોખમી બને છે.

ઊંઘની પેટર્નમાં વિક્ષેપ અને નબળું ચયાપચય

મોબાઈલ અને ટેબ્લેટમાંથી નીકળતો બ્લૂ લાઈટ બાળકોની ઊંઘમાં ખલેલ પહોંચાડે છે. ઊંઘ પૂરી ન થવાને કારણે શરીરનું ચયાપચય (Metabolism) નબળું પડે છે, જેનાથી ડાયાબિટીસ અને સ્થૂળતાનું જોખમ વધી જાય છે. આ ઉપરાંત, બહાર રમવાના અભાવે સ્નાયુઓનો વિકાસ અટકી જાય છે અને બાળકની સામાજિક કુશળતા પણ નબળી પડે છે.