China News : ચીને (China) વિકસાવેલું EUV (Extreme Ultraviolet Lithography) મશીન મુખ્યત્વે અતિ-અદ્યતન સેમિકન્ડક્ટર (semicunductor) ચિપ્સ બનાવવા માટે ઉપયોગમાં લેવામાં આવશે. આ ટેકનોલોજી દ્વારા સિલિકોન વેફર પર અતિ-પાતળી સર્કિટ કોતરી શકાય છે, જે માનવ વાળથી હજારો ગણી પાતળી હોય છે. સર્કિટ જેટલી નાની હોય તેટલી ચિપ વધુ ઝડપી, શક્તિશાળી અને ઊર્જા બચતવાળી બને છે. આજના સમયમાં આવી ચિપ્સ કૃત્રિમ બુદ્ધિ, હાઇ-એન્ડ સ્માર્ટફોન, ડેટા સેન્ટર, સુપરકમ્પ્યુટર અને  ક્લાઉડ ટેકનોલોજી (cloud Technology)માટે અનિવાર્ય બની ગઈ છે.

ચીને (China) વિકસાવેલું EUV મશીન શું છે અને તે શા માટે આટલું મહત્વનું છે?

હાલ સુધી ચીન અદ્યતન ચિપ્સ માટે વિદેશી કંપનીઓ પર નિર્ભર રહ્યું છે, ખાસ કરીને ડચ કંપની ASML પર, જેના EUV મશીનો વગર 5 નાનોમીટર કે તેથી પણ અદ્યતન ચિપ્સ બનાવવી શક્ય નથી. અમેરિકા અને તેના સાથી દેશોએ નિકાસ પ્રતિબંધો લગાવીને ચીનને આ ટેકનોલોજીથી દૂર રાખવાનો પ્રયાસ કર્યો છે. આવી સ્થિતિમાં, ચીન દ્વારા પોતાનું EUV મશીન બનાવવાનો પ્રયાસ તેને સેમિકન્ડક્ટર(semicunductor) ક્ષેત્રમાં આત્મનિર્ભર બનાવવાની દિશામાં એક મહત્વપૂર્ણ પગલું માનવામાં આવે છે.

ચીન (China)નો ગુપ્ત શેનઝેન પ્રોજેક્ટ શું છે?

આ મશીનનો ઉપયોગ ચીન AI અને સુપરકમ્પ્યુટિંગમાં પોતાની ક્ષમતાઓ વધારવા માટે પણ કરશે. મોટા ભાષા મોડલ્સ, ચહેરા ઓળખ સિસ્ટમ્સ, ડિફેન્સ સોફ્ટવેર અને ડેટા વિશ્લેષણ જેવી ટેકનોલોજી માટે અતિ-અદ્યતન ચિપ્સ જરૂરી હોય છે. EUV મશીન સફળ થાય તો ચીન અમેરિકાની ટેકનોલોજીકલ આગેવાનીને સીધો પડકાર આપી શકે છે.

આ સિવાય, અદ્યતન ચિપ્સ આધુનિક શસ્ત્રો અને રક્ષા ટેકનોલોજીનો આધાર પણ છે. હાઇપરસોનિક મિસાઇલ, ડ્રોન, સેટેલાઇટ, રડાર સિસ્ટમ(Radar System) અને સાયબર યુદ્ધ માટે ઉપયોગમાં લેવાતી સિસ્ટમ્સમાં અત્યંત શક્તિશાળી અને નાની ચિપ્સ જરૂરી હોય છે. તેથી EUV મશીન ચીનની લશ્કરી શક્તિ અને રાષ્ટ્રીય સુરક્ષા માટે પણ મહત્વપૂર્ણ ભૂમિકા ભજવશે.

ચીન (China)ના આ મશીનથી અમેરિકાના નિકાસ પ્રતિબંધોની અસર ઘટશે

ચીનનું પોતાનું EUV મશીન તૈયાર થવાથી અમેરિકાના નિકાસ પ્રતિબંધોની અસર ઘટશે અને પશ્ચિમ દેશોની ટેકનોલોજી પરની પકડ નબળી પડશે. જો ચીન આ મશીન દ્વારા વ્યાવસાયિક સ્તરે ચિપ ઉત્પાદન શરૂ કરવામાં સફળ થાય છે, તો વૈશ્વિક સેમિકન્ડક્ટર સપ્લાય ચેઇનમાં મોટો ફેરફાર આવી શકે છે. ASMLનું એકાધિકાર તૂટવાની શક્યતા છે અને અમેરિકા-ચીન વચ્ચેનો ટેક યુદ્ધ વધુ તીવ્ર બનશે. આ તમામ કારણોસર ચીનના EUV મશીનને માત્ર એક ટેકનિકલ પ્રોજેક્ટ નહીં, પરંતુ વૈશ્વિક શક્તિ સંતુલન બદલનાર પ્રયાસ તરીકે જોવામાં આવી રહ્યો છે.

આ પણ વાંચો: એલિયન્સના રહસ્ય ખોલી શકે છે દુનિયાનું સૌથી મોટુ ટેલિસ્કોપ,ચીનની ટેકનોલોજી પર નિષ્ણાંતોને ભરોસો

આ પણ વાંચો: ચીનની મોટી છલાંગ,ઉડતી કારનું ટ્રાયલ ઉત્પાદન શરૂ કર્યું, હજારો ઓર્ડર મેળવ્યા

આ પણ વાંચો: દુનિયા સાવધાન! પાડોશી ડ્રેગન ટર્મિનેટર જેવી સેના બનાવી રહ્યો છે, ચીનની આ કાર્યવાહીથી અમેરિકામા ડર