Iran Chief Justice Jama Masjid Visit: નવી દિલ્હીમાં BRICS ચીફ જસ્ટિસ ફોરમ દરમિયાન વિશ્વના અનેક દેશોના ન્યાયિક અધિકારીઓ એકત્ર થયા છે. 4થી 6 સપ્ટેમ્બર દરમિયાન સુપ્રીમ કોર્ટની યજમાનીમાં યોજાઈ રહેલી આ પરિષદમાં ન્યાય વ્યવસ્થા, ટેક્નોલોજી, AI અને આંતરરાષ્ટ્રીય તથા વ્યાવસાયિક વિવાદોના ઉકેલ જેવા મુદ્દાઓ પર ચર્ચા થઈ રહી છે. આ દરમિયાન શુક્રવારે દિલ્હીની ઐતિહાસિક જામા મસ્જિદમાં એક ખાસ દૃશ્ય જોવા મળ્યું હતું.
જામા મસ્જિદમાં Iranના ચીફ જસ્ટિસ
ઈરાનના(Iran) ચીફ જસ્ટિસ આયાતુલ્લા ગુલામ હુસૈન મોહસિની-એજેઈ શુક્રવારની નમાજ અદા કરવા માટે જામા મસ્જિદ પહોંચ્યા હતા. અહીં તેમણે શાહી ઈમામ મૌલાના સૈયદ શાબાન બુખારી સાથે મુલાકાત કરી હતી. મુલાકાત બાદ તેમણે અન્ય લોકો સાથે નમાજમાં ભાગ લીધો હતો. નમાજ પૂર્ણ થયા પછી મોટી સંખ્યામાં લોકો તેમની આસપાસ એકત્ર થયા હતા અને તેમનું ઉષ્માભર્યું સ્વાગત કર્યું હતું.
શિયા-સુન્ની એકતાનો સંદેશ
આ મુલાકાતને ખાસ એટલા માટે માનવામાં આવી રહી છે કે ઈરાન(Iran) શિયા બહુમતી ધરાવતો દેશ છે, જ્યારે દિલ્હીની જામા મસ્જિદ સુન્ની ઇસ્લામિક પરંપરાનું મહત્વનું ધાર્મિક કેન્દ્ર છે. ઈરાનના ચીફ જસ્ટિસે સુન્ની ઈમામ સાથે મુલાકાત કરી અને તેમની આગેવાનીમાં અન્ય લોકો સાથે નમાજ અદા કરી. આ દૃશ્યને ધાર્મિક ભાઈચારા અને એકતાના સંદેશ તરીકે જોવામાં આવી રહ્યું છે.
શાહી ઈમામ સાથેની મુલાકાત દરમિયાન બંને દેશો વચ્ચેના જૂના સંબંધોની પણ ચર્ચા થઈ હતી. ઈરાનના ચીફ જસ્ટિસે ભારત અને ઈરાનના સંબંધો માત્ર રાજદ્વારી બાબતો પૂરતા સીમિત ન હોવાનું જણાવ્યું હતું. તેમણે બંને દેશોના સાંસ્કૃતિક, ભાષાકીય અને સાહિત્યિક જોડાણોનો ઉલ્લેખ કર્યો હતો. ભારત અને ઈરાન વચ્ચે સદીઓથી ચાલતા સંપર્કોને તેમણે મહત્વપૂર્ણ ગણાવ્યા હતા.
Ayatollah Gholam-Hossein Mohseni-Ejei, Head of the Judiciary of the Islamic Republic of Iran, attended Friday prayers at Delhi’s Jama Masjid, where he received a warm and enthusiastic welcome from those attending the prayers. pic.twitter.com/NbOk3TBfXE
— Iran in India (@Iran_in_India) September 4, 2026
BRICS ફોરમમાં ન્યાયિક સહયોગ પર ચર્ચા
દિલ્હીમાં યોજાઈ રહેલા BRICS ચીફ જસ્ટિસ ફોરમનો મુખ્ય ઉદ્દેશ વિવિધ દેશોની ન્યાયપાલિકાઓ વચ્ચે સહયોગ અને સંવાદ વધારવાનો છે. ભારતના CJI જસ્ટિસ સૂર્યકાંત સહિત વિવિધ દેશોના મુખ્ય ન્યાયિક અધિકારીઓ વચ્ચે દ્વિપક્ષીય બેઠકો પણ યોજાઈ રહી છે. AIનો ન્યાયિક ક્ષેત્રમાં ઉપયોગ, કોમર્શિયલ વિવાદોના ઝડપી ઉકેલ અને ન્યાય વ્યવસ્થાને વધુ અસરકારક બનાવવાના મુદ્દાઓ પર ખાસ ચર્ચા થઈ રહી છે. આ સત્તાવાર બેઠકો વચ્ચે ઈરાનના(Iran) ચીફ જસ્ટિસની જામા મસ્જિદ મુલાકાતે સમગ્ર કાર્યક્રમને એક અલગ જ સાંસ્કૃતિક અને માનવીય પરિપ્રેક્ષ્ય આપ્યો છે.
આ પણ વાંચો: સાઉદીના MBSને મોટો ઝટકો? UAEએ કિંગ સલમાન સાથે સીધો સંપર્ક કર્યો
આ પણ વાંચો:બોલિવિયામાં લશ્કરી મથકમાં ભયાનક વિસ્ફોટ: 10નાં મોત, 60થી વધુ લોકો ઘાયલ
આ પણ વાંચો: અમેરિકા-ઈરાન તણાવ ચરમસીમાએ: પિકેક્સ માઉન્ટેન પર હુમલાની ટ્રમ્પની ધમકી
