US Iran Conflict Pickaxe Mountain Threat: અમેરિકા અને ઈરાન વચ્ચેનો તણાવ હવે વધુ ગંભીર બનતો જોવા મળી રહ્યો છે. અમેરિકન રાષ્ટ્રપતિ ડોનાલ્ડ ટ્રમ્પે શુક્રવારે પત્રકારો સાથેની વાતચીત દરમિયાન ઈરાનના ‘પિકેક્સ માઉન્ટેન’ પર હુમલો કરવાની શક્યતા અંગે ફરી સંકેત આપ્યો છે. આ પહાડ ઈરાનના પરમાણુ કાર્યક્રમ સાથે જોડાયેલા મહત્વપૂર્ણ વિસ્તાર નજીક આવેલો હોવાનું માનવામાં આવે છે.
પિકેક્સ માઉન્ટેન કેમ છે મહત્વપૂર્ણ?
પિકેક્સ માઉન્ટેન ઈરાનના નતાંજ યુરેનિયમ સંવર્ધન કેન્દ્રની નજીક આવેલો છે. પહાડની અંદર જમીનથી ખૂબ ઊંડે વિશાળ ટનલ અને સુરક્ષિત સંકુલ બનાવવામાં આવ્યા હોવાનું અહેવાલોમાં જણાવાયું છે. આ વિસ્તારને અત્યંત મજબૂત કિલ્લેબંધી ધરાવતો માનવામાં આવે છે. વિશ્લેષકોનું કહેવું છે કે આ ભૂગર્ભ સુવિધાઓનો ઉપયોગ ઈરાનના(US) પરમાણુ કાર્યક્રમ સાથે જોડાયેલી સંવેદનશીલ સામગ્રી અથવા અન્ય મહત્વપૂર્ણ સાધનોને સુરક્ષિત રાખવા માટે થતો હોઈ શકે છે. જોકે, તેની અંદર ચોક્કસપણે શું છે તે અંગે જાહેરમાં સંપૂર્ણ સ્પષ્ટતા નથી.
નતાંજ નજીકનું ભૂગર્ભ ટનલ નેટવર્ક
આ ટનલ કોમ્પ્લેક્સ નતાંજ ન્યુક્લિયર સાઇટથી આશરે 2 કિલોમીટર દૂર હોવાનું જણાવવામાં આવે છે. તેની ઊંડી ભૂગર્ભ સ્થિતિને કારણે કોઈપણ સંભવિત સૈન્ય કાર્યવાહી પડકારજનક બની શકે છે. આ વિસ્તાર ઈરાનના પરમાણુ કાર્યક્રમ સાથે જોડાયેલા મહત્વપૂર્ણ સ્થળોમાં સામેલ છે. ટ્રમ્પ અગાઉ પણ ઈરાનની(US) ભૂગર્ભ પરમાણુ સુવિધાઓને નિશાન બનાવવાની વાત કરી ચૂક્યા છે.
ટ્રમ્પે સંઘર્ષને ગણાવ્યો ‘નાની વાત’
મીડિયા સાથેની વાતચીતમાં ટ્રમ્પે(US) ઈરાન સાથે ચાલી રહેલા સંઘર્ષને મોટા યુદ્ધ તરીકે જોવાને બદલે તેને મર્યાદિત સૈન્ય સંઘર્ષ ગણાવ્યો. તેમણે વાઇસ પ્રેસિડેન્ટ જે.ડી. વેન્સનો બચાવ કરતાં કહ્યું કે અગાઉના અમેરિકન યુદ્ધોની સરખામણીમાં આ સંઘર્ષમાં અમેરિકન સૈનિકોના મૃત્યુનો આંકડો ઘણો ઓછો છે. જોકે, પિકેક્સ માઉન્ટેન જેવા સંવેદનશીલ સ્થળ અંગે હુમલાની કોઈપણ કાર્યવાહીથી અમેરિકા અને ઈરાન વચ્ચેનો તણાવ વધુ ગંભીર બનવાની શક્યતા છે.
આ પણ વાંચો: નેપાળમાં પૂરની તબાહી વચ્ચે તિબેટમાં 5.0નો ભૂકંપ, લાપતા લોકોની આશા ધૂંધળી
આ પણ વાંચો:વિનાશક પૂર-ભૂસ્ખલનથી નેપાળમાં તારાજી, 1200થી વધુનાં મોત અને 4000થી વધુ લાપતા
આ પણ વાંચો: ઓપરેશન સિંદૂર બાદ તૂર્કિયેનો બદલાયો સૂર, ભારત સાથે સંબંધો સુધારવા તૈયાર!
