ટેલિકોમ રેગ્યુલેટરી ઓથોરિટી ઓફ ઈન્ડિયા (ટ્રાઇ) એ કહ્યું છે કે, ગ્રાહકો થોડી સાવચેતી નહીં રાખે તો વીડિયો કોલિંગ દરમિયાન આઈએસડી ચાર્જ ચૂકવવા પડી શકે છે. આવી સ્થિતિમાં, ગ્રાહકોએ વીડિયો કોલિંગમાં સાવચેત રહેવાની જરૂર છે. ટેલિકોમ કંપનીઓને કહેવામાં આવ્યું છે કે, સબ્સક્રાઇબર્સ જો ઝૂમ અને માઇક્રોસોફ્ટ ટીમ્સ જેવી ઓનલાઇન વીડિયો કોલિંગ અથવા મીટિંગ એપ્લિકેશન માટે જો ટોલ-ફ્રી નંબરોનો ઉપયોગ કરવામાં નહીં આવે, તો તેમનુ બિલ આંતરરાષ્ટ્રીય કોલિંગ દરોમાં આવશે.
આંતરરાષ્ટ્રીય સબ્સ્ક્રાઇબર ડાયલિંગ એટલે કે આઈએસડી ચાર્જ તે હોય છે જે આંતરરાષ્ટ્રીય કોલ્સ કરવા માટે લેવામાં આવે છે. ટેલિકોમ કંપનીઓ તેમના ગ્રાહકોને જણાવી રહી છે કે આ એપ્લિકેશન્સમાં ડાયલ-ઇન સુવિધાનો ઉપયોગ કરીને, આઈએસડી આંતરરાષ્ટ્રીય નંબરો પર વીડિયો કોલ્સ દરમિયાન લેવામાં આવશે. ટેલિકોમ રેગ્યુલેટરી ઓથોરિટી ઓફ ઇન્ડિયા અને ટેલિકોમ કંપનીઓએ છેલ્લા કેટલાક દિવસોમાં ખૂબ ઉંચા બિલની ફરિયાદ કરી છે. આ પછી, ટ્રાઇ એસએમએસ દ્વારા ચેતવણી મોકલી રહ્યું છે. વીડિયો કોલ્સમાં આઇએસડી ચાર્જ ટાળવા માટે, લેપટોપ અથવા ડેસ્કટોપ કોમ્પ્યુટરનો ઉપયોગ કરવો જરૂરી છે અને બિલ્ટ-ઇન વીડિયોનો વિકલ્પ પણ પસંદ કરવો પડશે. જો કોલ સ્માર્ટફોનથી કરવામાં આવે છે અને એક આંતરરાષ્ટ્રીય નંબર અથવા પ્રીમિયમ નંબર ડાયલ કરવામાં આવે છે, જ્યારે સ્માર્ટફોન એક સેલ્યુલર નેટવર્કથી કનેક્ટ થયેલ હોય, ત્યારે આઈએસડી ચાર્જ જ લાગશે.
ટ્રાઇએ ટેલિકોમ કંપનીઓને સંબંધિત જાહેરનામું બહાર પાડ્યું છે. છેલ્લા કેટલાક મહિનામાં ઘણા ગ્રાહકો ઉંચા બિલોથી આશ્ચર્યચકિત થયા હતા. એવું લાગે છે કે તેમને આઈએસડી ચાર્જ વિશે જાણકારી ન હોતી કે જે તેમના વીડિયો કોલ્સ પર કરવામાં આવે છે. આ ચાર્જથી પોતાને બચાવવાનો સૌથી અસરકારક રસ્તો એ છે કે તમારા સ્માર્ટફોનથી વીડોયો કોલ્સ કરવાનું ટાળવું. તમારે તમારા લેપટોપ અથવા ડેસ્કટોપ કોમ્પ્યુટરથી કોલ કરવો જોઈએ. આ ઝૂમ, જિયો મીટ, બ્લૂજેન્સ અને અન્ય એપ્લિકેશન્સ જેવી દરેક વીડિયો કોલિંગ એપ્લિકેશનને લાગુ પડે છે.
નીચે આપેલી લીંક પર ક્લિક કરીને જોડાવ મંતવ્ય ન્યૂઝ સાથે…
તમે અમને Facebook, Twitter, Instagram અને YouTube પર પણ લાઇક અને ફોલો કરીશકો છો.
લેટેસ્ટ ન્યૂઝ અપડેટ્સ આપના ફોન પર સૌથી ઝડપી મેળવવા માટે આજે જ ડાઉનલોડ કરો “MantavyaNews” ની નવી મોબાઇલ એપ્લિકેશન.