Surendranagar News: સુરેન્દ્રનગર જિલ્લાના ધ્રાંગધ્રા શહેરમાં એક દુઃખદ ઘટના સામે આવી છે. હળવદ રોડ વિસ્તારમાં રહેતા શિશુકુંજ સ્કૂલના (Shishukunj School) ક્લાર્ક અજય દવેએ પોતાના નિવાસસ્થાને ગળેફાંસો ખાઈ જીવન ટૂંકાવી (Clerk Suicide) લીધું હતું. ઘટનાની જાણ થતાં પરિવારજનોમાં શોકનો માહોલ છવાઈ ગયો હતો, જ્યારે સમગ્ર વિસ્તારમાં પણ આ ઘટનાને લઈને ચર્ચા જાગી છે.
Clerk Suicide: પોલીસ ઘટના સ્થળે પહોંચી તપાસ હાથ ધરી
પરિવારજનો દ્વારા જાણ કરવામાં આવતા ધ્રાંગધ્રા પોલીસ તાત્કાલિક ઘટનાસ્થળે પહોંચી હતી. પોલીસે જરૂરી પંચનામાની કાર્યવાહી કર્યા (Police Investigation) બાદ મૃતદેહને પોસ્ટમોર્ટમ માટે હોસ્પિટલ ખસેડ્યો હતો. ઘટનાસ્થળેથી જરૂરી પુરાવા એકત્ર કરી તપાસ શરૂ કરવામાં આવી છે.
આત્મહત્યાનું ચોક્કસ કારણ અકબંધ
પ્રાથમિક તપાસમાં આત્મહત્યાનું ચોક્કસ કારણ હજુ સુધી સામે આવ્યું નથી. પોલીસે પરિવારજનો અને નજીકના લોકોના નિવેદનો નોંધવાની કાર્યવાહી હાથ ધરી છે તેમજ તમામ સંભવિત પાસાઓને ધ્યાનમાં રાખીને તપાસ આગળ વધારી રહી છે.
પોસ્ટમોર્ટમ રિપોર્ટ અને તપાસ દરમિયાન મળતા પુરાવાના આધારે આત્મહત્યાનું સાચું કારણ સ્પષ્ટ થશે. હાલ પોલીસે અકસ્માત મોતનો ગુનો નોંધી વધુ કાયદેસરની કાર્યવાહી શરૂ કરી છે.
આ પણ વાંચો: સુરતમાં કરૂણાંતિકા: 50 લાખના દેવામાં ડૂબેલા દત્તક પુત્રએ માતાની હત્યા બાદ કર્યો આપઘાત
આ પણ વાંચો: દાહોદના જેસાવાડામાં 15 વર્ષની વિદ્યાર્થિનીનો આપઘાત, કારણ જાણવા તપાસ શરૂ
આ પણ વાંચો: રાજકોટમાં એક જ પરિવારના ત્રણ સભ્યોનો આપઘાત, દંપતી અને પુત્રનું સારવાર દરમિયાન મોત
