Punjab Congress Meeting Chaos: 2027ની પંજાબ વિધાનસભા ચૂંટણીની તૈયારીઓ વચ્ચે કોંગ્રેસ પાર્ટી દ્વારા સંગઠનને મજબૂત કરવાની કવાયત ચાલી રહી છે. આ જ કડી અંતર્ગત બરનાલામાં આયોજિત કોંગ્રેસની કેમ્પેન કમિટીની બેઠક દરમિયાન પૂર્વ મુખ્યમંત્રી ચરણજીત સિંહ ચન્નીના સમર્થકો દ્વારા નારેબાજી કરવામાં આવતા ભારે હોબાળો મચી ગયો હતો.
Congress meeting માં શું થયું અને કેમ ગરમાયો માહોલ?
‘હર બૂથ, કોંગ્રેસ મજબૂત’ અભિયાન: રવિવારે બરનાલામાં મળેલી આ બેઠકમાં પંજાબ પ્રભારી ભૂપેશ બઘેલ, પ્રદેશ અધ્યક્ષ અમરિન્દર સિંહ રાજા વડિંગ, ધારાસભ્ય કુલદીપ સિંહ કાલા ઢિલ્લોન, રાજ કુમાર વેકા અને વરિષ્ઠ નેતા રજિયા સુલતાના સહિતના દિગ્ગજ નેતાઓ હાજર રહ્યા હતા.
ચન્ની જિંદાબાદના નારા: બેઠકની શરૂઆતમાં જ પૂર્વ મુખ્યમંત્રી ચરણજીત સિંહ ચન્નીના સમર્થકોએ જોરશોરથી નારેબાજી શરૂ કરી દીધી, જેનાથી રાજકીય માહોલ ગરમાઈ ગયો હતો.
રજિયા સુલતાનાનો ગુસ્સો અને આકરા પ્રહાર
નારેબાજીથી નારાજ થઈને વરિષ્ઠ નેતા રજિયા સુલતાના મંચ પરથી ભડકી ઉઠ્યા હતા. તેમણે સ્પષ્ટ શબ્દોમાં કહ્યું કે કેટલાક લોકો જાણી જોઈને પાર્ટીનું વાતાવરણ બગાડવા માંગે છે.
તેમણે મંચ પરથી જ આવા લોકોને બહાર કાઢવાની વાત કરી અને ચેતવણી આપી કે કોઈને પણ પાર્ટીનું શિસ્તભંગ કરવાની છૂટ આપવામાં આવશે નહીં.
જોકે, બાદમાં પરિસ્થિતિને સંભાળતા રજિયા સુલતાનાએ 2027ની ચૂંટણીમાં કોંગ્રેસ પાર્ટીની(Congress meeting) જીતનો દાવો કર્યો હતો અને પાર્ટીમાં કોઈ પણ પ્રકારની ફૂટ હોવાના દાવાઓને ફગાવીને એકતા પર ભાર મૂક્યો હતો.
આ પણ વાંચો :વિવાદ વચ્ચે પંજાબ કોંગ્રેસના ધારાસભ્યએ કહ્યું, ‘જો પ્રદેશ અધ્યક્ષ ડરતા હોય તો મને પાર્ટીમાંથી બહાર કાઢે
આ પણ વાંચો :પંજાબ કોંગ્રેસના નવા અધ્યક્ષ તરીકે આ યુવા નેતાની વરણી,જાણો વિગત
આ પણ વાંચો :પંજાબ કોંગ્રેસમાં નવજોત સિદ્વુ અને નાયબ મુખ્યમંત્રી રંધાવા વચ્ચે વિખવાદ,જાણો વિગત
