મહારાષ્ટ્રના મુખ્યમંત્રી ઉદ્ધવ ઠાકરેના નિવાસસ્થાન માતોશ્રીની સુરક્ષા વધારી દેવામાં આવી છે. અંડરવર્લ્ડ ડોન દાઉદ ઇબ્રાહિમના કેટલાક વતી માતોશ્રીમાં લેન્ડલાઇન પર કોલ કરવામાં આવ્યા બાદ માતોશ્રીની સુરક્ષા વધારવામાં આવી છે. મળતી માહિતી મુજબ દાઉદના ગુંડાઓએ બે વખત સીએમ હાઉસની લેન્ડલાઇન પર ફોન કર્યો હતો.
મુંબઇ પોલીસનું કહેવું છે કે માતોશ્રીમાં બે વાર કોઈ અજાણ્યા વ્યક્તિનો ફોન આવ્યો હતો, જેમણે પોતાને દાઉદ ઇબ્રાહિમનો માણસ ગણાવ્યો હતો અને મુખ્યમંત્રી સાથે વાત કરવા માંગતા હતા, ત્યારબાદ સાવચેતી રૂપે મુખ્યમંત્રીના નિવાસસ્થાનની સુરક્ષા વધારવામાં આવી હતી. છે. આ ફોન કોલ શનિવારે રાત્રે 11 વાગ્યે આવ્યો હતો. કોઈ અજાણ્યા શખ્સે પોતાને દાઉદ ઇબ્રાહિમનો માણસ ગણાવ્યો અને કહ્યું કે તેઓ મુખ્યમંત્રી ઉદ્ધવ ઠાકરે સાથે ફોન પર વાત કરવા માગે છે.
જો કે ફોન ઓપરેટરે મુખ્યમંત્રીને ફોન ટ્રાન્સફર કર્યો ન હતો અને તેની માહિતી પોલીસ અધિકારીઓને આપવામાં આવી હતી. આ ફોન કોલ પછી રાજ્યના ગૃહ વિભાગે અધિકારીઓનો સંપર્ક સાધ્યો હતો અને માતોશ્રીની આજુબાજુના વિસ્તારોની સુરક્ષા વધારી દેવામાં આવી છે. વળી માતોશ્રી પર પોલીસકર્મીઓની સંખ્યા વધારી દેવામાં આવી છે, તે સાથે મુખ્યમંત્રી નિવાસસ્થાને બોલાવનાર વ્યક્તિને શોધી કાઢવાના પ્રયાસો પણ કરવામાં આવી રહ્યા છે. આ ફોન કોલ બાદ આજે મુખ્યમંત્રી નિવાસસ્થાને કેબિનેટની બેઠક મળી હતી, જેમાં આ ફોન કોલ પર પણ ચર્ચા થઈ હતી.
મહારાષ્ટ્રનાં મુખ્યમંત્રીની કચેરીએ કહ્યું છે કે મુખ્યમંત્રી નિવાસસ્થાને કેબિનેટની બેઠકમાં આ મુદ્દે ચર્ચા કરવામાં આવી હતી. બધા માને છે કે આ એક ગંભીર મુદ્દો છે, કેન્દ્ર સરકારે આ મુદ્દા પર ધ્યાન આપવું જોઈએ. ગૃહ પ્રધાન અનિલ દેશમુખે રાજ્ય મંત્રીમંડળને જણાવ્યું હતું કે પોલીસે આ મામલે તપાસ શરૂ કરી છે. આપને જણાવી દઇએ કે અગાઉ શરદ પવાર રાજ્યના મુખ્યમંત્રી હતા ત્યારે માતોશ્રીમાં મારામારી કરવાની ધમકી આપવામાં આવી હતી.છે.
નીચે આપેલી લીંક પર ક્લિક કરીને જોડાવ મંતવ્ય ન્યૂઝ સાથે…
તમે અમને Facebook, Twitter, Instagram અને YouTube પર પણ લાઇક અને ફોલો કરીશકો છો.
લેટેસ્ટ ન્યૂઝ અપડેટ્સ આપના ફોન પર સૌથી ઝડપી મેળવવા માટે આજે જ ડાઉનલોડ કરો “MantavyaNews” ની નવી મોબાઇલ એપ્લિકેશન.
