CM Nitish Kumar: બિહારના મુખ્યમંત્રી નીતીશ કુમારે ફરી એકવાર એકજુટ વિપક્ષની તાકાત પર ભાર મૂક્યો છે અને કોંગ્રેસને એકસાથે આવવા અને ભારતીય જનતા પાર્ટી સામે ચૂંટણી લડવા વિનંતી કરી છે. સીપીઆઈ-એમની 11મી મહાસભામાં બોલતા સીએમ નીતિશે કહ્યું કે હું ઈચ્છું છું કે કોંગ્રેસ જલ્દી નિર્ણય લે. જો કોંગ્રેસ મારું સૂચન લઈને ચૂંટણી લડે તો ભાજપ 100 સીટોથી નીચે આવી જશે, પરંતુ જો કોંગ્રેસ મારું સૂચન નહીં સ્વીકારે તો શું થશે તે તેઓ જાણે છે. સીએમ નીતિશે વધુમાં કહ્યું કે, ‘હું કોંગ્રેસના નિર્ણયની રાહ જોઈ રહ્યો છું કે તેમણે 2024ની લોકસભા ચૂંટણી એકસાથે લડવી છે કે નહીં’.
નોંધનીય છે કે સલમાન ખુર્શીદે કોંગ્રેસ વતી CPI(M)ની 11મી મહાસભામાં ભાગ લીધો હતો. (CM Nitish Kumar)કોંગ્રેસ નેતા ખુર્શીદે બેઠકમાં કહ્યું કે ‘હું અહીં કોંગ્રેસ વતી આવ્યો છું. પહેલા ગુજરાત મોડલની ખૂબ ચર્ચા થતી હતી, પરંતુ હવે બિહાર મોડલની પણ વાત થવી જોઈએ અને હું દેશમાં દરેક જગ્યાએ જઈને ચોક્કસ આ મોડલનો ઉલ્લેખ કરીશ.
બિહારના નાયબ મુખ્યમંત્રી તેજસ્વી યાદવે પણ સીપીઆઈ-એમની 11મી મહાસભામાં ભાજપ પર આકરા પ્રહારો કર્યા હતા. તેમણે કહ્યું કે, ‘દેશમાં આ સમયે જો તમે ભાજપ વિરુદ્ધ બોલશો તો તમારા પર દરોડા પાડવામાં આવશે અથવા તમને જેલમાં મોકલવામાં આવશે અને જો તમે ભાજપ સાથે હશો તો તમને હરિશ્ચંદ્ર કહેવામાં આવશે. તમારા પર કેટલા ડાઘા છે તેનાથી કોઈ ફરક નથી પડતો, જો તમે ભાજપ સાથે હોવ તો વોશિંગ મશીનની અંદરના બધા ડાઘા ધોવાઈ જશે. તેજસ્વીએ વધુમાં કહ્યું કે ‘તમે બધા દેશના બંધારણને બચાવવા માટે લડી રહ્યા છો. હું આ માટે તમારો આભાર માનું છું.
બિહારના સીએમ નીતિશ કુમારે કહ્યું હતું કે ‘મને વડાપ્રધાન બનવાની કોઈ ઈચ્છા નથી. હકીકતમાં, હું મારા પક્ષના કાર્યકરોને પણ મારા માટે સૂત્રોચ્ચાર કરવાની મનાઈ કરું છું. નાયબ મુખ્યમંત્રી તેજસ્વી યાદવે પણ સીએમ નીતીશની વડાપ્રધાન ન બનવાની ઈચ્છાને સમર્થન આપ્યું હતું.
તેમણે કહ્યું હતું કે ‘અમારા દિગ્ગજ નેતાનું ફોકસ આગામી લોકસભા ચૂંટણીમાં વિપક્ષને સાથે લાવવા પર છે. નીતિશ કુમાર સીએમ છે અને અમે તેમના માર્ગદર્શન હેઠળ કામ કરી રહ્યા છીએ. અત્યારે તેમનો એકમાત્ર એજન્ડા સમગ્ર વિપક્ષને સાથે લાવવાનો છે. વળી, તેમને અત્યારે PM બનવાની કોઈ ઈચ્છા નથી.
