Gujarat Weather News: એવું લાગે છે કે ગુજરાતમાંથી ઠંડી(Cold)નો પ્રકોપ ઓછો થઈ રહ્યો છે. છેલ્લા કેટલાય દિવસોથી તાપમાનનો પારો વધી રહ્યો છે. પરંતુ પશ્ચિમી વિક્ષોભ(Western Disturbance)ને કારણે રાજ્યમાં હવામાનમાં મોટો ફેરફાર જોવા મળી શકે છે.
હવામાન વિભાગની આગાહી મુજબ, શિયાળો હાલ વિદાયના અંતિમ તબક્કામાં છે. ત્યારબાદ રાજ્યમાં બેવડી ઋતુની અસર રહેશે, જેના કારણે ગુજરાતમાં તાપમાન 34 થી 35 ડિગ્રી રહેશે. રાજ્યમાં લઘુત્તમ તાપમાન 15 ડિગ્રીથી વધુ જોવા મળશે, જ્યારે બપોરે મહત્તમ તાપમાન 30 ડિગ્રીથી ઉપર રહેશે. આગામી 5 દિવસ સુધી ગુજરાતમાં તાપમાનમાં કોઈ ફેરફાર થશે નહીં. કેટલાક વિસ્તારોમાં વાદળછાયું વાતાવરણ રહેશે.
હાલમાં રાજ્યમાં ઉત્તર-પશ્ચિમથી ઉત્તર દિશાના પવનો ફૂંકાઈ રહ્યા છે. વેસ્ટર્ન ડિસ્ટબર્ન્સનાં કારણે કેટલીક જગ્યાએ વાદળો છવાઈ શકે છે. આગામી એક અઠવાડિયા સુધી રાજ્યમાં હવામાનમાં કોઈ મોટો ફેરફાર થશે નહીં. તેથી, બે દિવસ સુધી મહત્તમ અને લઘુત્તમ તાપમાનમાં ઘટાડો થશે. તે પછી તાપમાન વધી શકે છે. વધુ એક પશ્ચિમી વિક્ષેપ ઉભો થયો છે. ગુજરાતના ઘણા જિલ્લાઓ પણ વાદળોથી ઘેરાયેલા છે.
હવામાન નિષ્ણાત અંબાલાલ પટેલે જણાવ્યું કે, ગુજરાતમાં વાદળછાયું વાતાવરણ રહેશે. જેના કારણે ખેડૂતોમાં માવઠાની ચિંતા ઘણી વધી ગઈ છે. મેદાની વિસ્તારોમાં સવારે ઠંડી અને બપોરે ગરમી હોય છે. જોકે, ફેબ્રુઆરીમાં ગરમીની શરૂઆત થતાં હવામાન વિભાગ પણ ચિંતિત બન્યું છે.
આ પણ વાંચો:ગુજરાતમાં તાપમાનમાં વધારો, ઠંડીનું પ્રમાણ ઘટ્યું
આ પણ વાંચો:ગુજરાતમાં ઠંડીનું પ્રમાણ ઘટ્યું, તાપમાનમાં થયો વધારો
આ પણ વાંચો:રાજ્યમાં ઠંડીનો પારો વધવાની શક્યતા, આગામી દિવસોમાં વાતાવરણ શુષ્કની શક્યતા
