Regional language: IPL 2023માં તમે પંજાબી, ઉર્દૂ, કન્નડ, બંગાળી જેવી ભાષાઓમાં કોમેન્ટ્રી પણ સાંભળી શકો છો. Cricbuzzએ તેના એક રિપોર્ટમાં દાવો કર્યો છે કે IPLમાં આ વખતે પ્રાદેશિક ભાષાઓમાં કોમેન્ટ્રી ફરજિયાત હશે. છેલ્લી IPL હરાજી સુધી પ્રાદેશિક ભાષામાં કોમેન્ટ્રી ફરજિયાત ન હતી, માત્ર વૈકલ્પિક હતી. રિપોર્ટ અનુસાર બીસીસીઆઈએ આ વખતે આઈપીએલના મીડિયા રાઈટ્સ એ શરત સાથે વેચ્યા છે કે અંગ્રેજી સિવાય ચાર પ્રાદેશિક ભાષાઓમાં કોમેન્ટ્રી ફરજિયાત હશે. આ ચાર પ્રાદેશિક ભાષાઓમાં હિન્દીનો સમાવેશ કરવામાં આવશે. જો કે, હિન્દી સિવાય અન્ય ત્રણ પ્રાદેશિક ભાષાઓ કઈ હશે, તે હજુ સ્પષ્ટ નથી.
તમને જણાવી દઈએ કે ભારતના બંધારણમાં 22 પ્રાદેશિક ભાષાઓને સત્તાવાર દરજ્જો છે. તેમાં હિન્દી, ઉર્દૂ, તમિલ, તેલુગુ, મરાઠી, આસામી, બોડો, કન્નડ, મરાઠી, ગુજરાતી, બંગાળી, ઉડિયા, પંજાબી, સંસ્કૃત વગેરેનો સમાવેશ થાય છે. જોકે, હજુ સુધી એ સ્પષ્ટ નથી થયું કે IPLની પ્રાદેશિક ભાષાઓની કોમેન્ટ્રીમાં હિન્દી સિવાય કઈ ત્રણ ભાષાઓ હશે. એ પણ નોંધનીય છે કે આ વખતે ટીવી અને ડિજિટલના રાઈટ્સ અલગ-અલગ વેચવામાં આવ્યા છે. ભાષાની આ સ્થિતિ બંને માધ્યમો પર છે, પરંતુ પ્રાદેશિક ભાષાના કોમેન્ટ્રીમાં કઇ ભાષા રહેશે, કયા વિસ્તારમાં સાંભળવામાં આવશે, આ તમામ બાબતો સમય જતાં સ્પષ્ટ થશે.
તમને જણાવી દઈએ કે ઈ-ઓક્શનમાં ટીવી અને ડિજિટલ રાઈટ્સ 44,075 કરોડ રૂપિયામાં વેચાયા છે. આવી સ્થિતિમાં IPLના બે અલગ-અલગ બ્રોડકાસ્ટર્સ હશે. 2023-2027 માટે IPL મીડિયા રાઇટ્સ 410 મેચો માટે રૂ. 44,075 કરોડમાં વેચાયા છે. ટીવીનું પેકેજ A રૂ. 23,575 કરોડ એટલે કે મેચ દીઠ રૂ. 57.5 કરોડ અને ભારત માટેનું ડિજિટલ રાઇટ્સ પેકેજ B રૂ. 20,500 કરોડ એટલે કે પ્રતિ મેચ રૂ. 50 કરોડમાં વેચવામાં આવ્યું છે. જો પેકેજ સી લેવામાં આવે તો મીડિયા રાઇટ્સ પાંચ વર્ષ માટે 48390 કરોડ રૂપિયામાં વેચાયા છે, એટલે કે એક મેચની કિંમત લગભગ 118 કરોડ રૂપિયા થઈ ગઈ છે. ટીવી માટેના રાઇટ્સ ડિઝની-સ્ટાર દ્વારા ખરીદવામાં આવ્યા છે અને ડિજિટલ માટેના રાઇટ્સ વાયાકોમ-18 દ્વારા ખરીદવામાં આવ્યા છે.
આ પણ વાંચો: ચાર્જ / જામનગર આયુર્વેદ હોસ્પિટલમાં હવેથી કેસ અને સારવારનો ચાર્જ ચૂકવવો પડશે
