કોંગ્રેસે મંગળવારે સાત ઉમેદવારોની બીજી યાદી જાહેર કરી છે. ભાજપમાંથી કોંગ્રેસમાં આવેલા જગદીશ શેટ્ટરને હુબલી-ધારવાડ સેન્ટ્રલ બેઠક પરથી ઉમેદવાર બનાવવામાં આવ્યા હતા. હવે આઠ બેઠકો માટે કોંગ્રેસના ઉમેદવારોની જાહેરાત થવાની બાકી છે. જગદીશ શેટ્ટર હુબલી-ધારવાડ સેન્ટ્રલથી છ વખત ધારાસભ્ય રહી ચૂક્યા છે. ભાજપે આ બેઠક પરથી મહેશ ટેંગિનકાઈને ઉમેદવાર બનાવ્યા છે.
જગદીશ શેટ્ટરે ભાજપને ટિકિટ આપવા કહ્યું હતું, પરંતુ ભાજપે તેમને ટિકિટ આપવાની ના પાડી હતી. જે બાદ સોમવારે કોંગ્રેસ અધ્યક્ષ મલ્લિકાર્જુન ખડગે, મહાસચિવ કેસી વેણુગોપાલ, રણદીપ સિંહ સુરજેવાલા (કર્ણાટક પ્રભારી), કોંગ્રેસ પ્રદેશ એકમના પ્રમુખ ડી.કે. શિવકુમાર અને પૂર્વ મુખ્યમંત્રી સિદ્ધારમૈયા સહિત અન્યની હાજરીમાં કોંગ્રેસમાં જોડાયા હતા.
ભાજપ પર તેમને સન્માનજનક વિદાય ન આપીને તેમનું અપમાન કરવાનો આરોપ લગાવતા શેટ્ટરે કહ્યું હતું કે કોંગ્રેસમાં જોડાઈને તેઓ તેમના જીવનમાં એક નવો અધ્યાય શરૂ કરી રહ્યા છે.