અમેરિકામાં કોરોના વાયરસથી મૃત્યુ પામેલા લોકોની સંખ્યા સતત વધી રહી છે. છેલ્લા 24 કલાકમાં અમેરિકામાં કોરોના વાયરસનાં ચેપને કારણે 2,502 લોકોનાં મોત નીપજ્યાં છે. આ પહેલા બુધવારે અહીં 2,200 લોકોનાં મોત થયા હતાં. આ સાથે અમેરિકામાં મૃત્યુઆંક 60,867 ને વટાવી ગયો છે. અમેરિકામાં કોરોના વાયરસથી સંક્રમિત લોકોની સંખ્યા 10 લાખને વટાવી ગઈ છે. અમેરિકામાં જે રીતે હજારો લોકો મરી રહ્યા છે, તેનાથી ટ્રમ્પ સરકારની મુશ્કેલીઓમાં વધારો થયો છે.
અમેરિકામાં ફક્ત ત્રણ મહિનામાં કોરોના વાયરસનાં કારણે 60 હજાર લોકોનાં મોત નીપજ્યાં છે. આ આંકડો વિયટનામ યુદ્ધમાં માર્યા ગયેલા સૈનિકોની સંખ્યાને પણ વટાવી ગયો છે. આપને જણાવી દઈએ કે, 10 વર્ષનાં વિયટનામ યુદ્ધમાં 58,200 લોકોનાં મોત નીપજ્યાં હતાં. જ્યારે 82 દિવસમાં યુએસમાં કોરોનાથી 58,365 લોકોનાં મોત નીપજ્યાં. આપને જણાવી દઈએ કે, અમેરિકામાં કોરોના વાયરસથી પહેલી મૃત્યુ 6 ફેબ્રુઆરીએ થઇ હતી. કોરોના દર્દીઓની સારવાર કરતા ડૉક્ટરો સતત કામ કરી રહ્યા છે. દર્દીઓ તેમની આંખો સામે મરતા જોઈ તેમની હિંમત પણ તૂટી રહી છે. અમેરિકાનાં ન્યૂયોર્ક સિટીમાં દર્દીઓની સારવાર કરતા ટોચનાં ડૉક્ટરોમાંથી એક ડૉક્ટરે આત્મહત્યા કરી દીધી છે. તે કોરોના દર્દીઓનાં મોતથી એટલા ગભરાઈ ગયા હતા કે તેમણે આત્મહત્યા કરી લીધી હતી.
2,502 #coronavirus deaths in the last 24 hours in the United States of America (USA): AFP news agency
— ANI (@ANI) April 30, 2020
જણાવી દઇએ કે, વૈશ્વિક વસ્તીનાં લગભગ 4 ટકા લોકો અમેરિકામાં રહે છે. અત્યાર સુધીમાં, સમગ્ર વિશ્વનાં કુલ 30 લાખ લોકો કોરોનાથી પીડાય છે, જેમાંથી ત્રીજા ભાગનાં લોકો અમેરિકામાં ચેપગ્રસ્ત થયા છે. આપને જણાવી દઈએ કે, ચીનમાં વાયરસનો પ્રથમ કેસ વુહાન શહેરમાં નોંધાયો હતો. વળી, 10 એપ્રિલનાં રોજ, યુ.એસ. માં ચાર મહિના પછી 5 લાખ લોકો તેનો ભોગ બન્યા હતા. આપને જણાવી દઈએ કે કોરોના વાયરસને કારણે વિશ્વભરમાં 2,25,000 થી વધુ લોકો મૃત્યુ પામ્યા છે, જેમાં લગભગ 25%- અથવા લગભગ 60,000 લોકો અમેરિકામાં જ મૃત્યુ પામ્યા છે.
નીચે આપેલી લીંક પર ક્લિક કરીને જોડાવ મંતવ્ય ન્યૂઝ સાથે…
તમે અમને Facebook, Twitter, Instagram અને YouTube પર પણ લાઇક અને ફોલો કરી શકો છો.
લેટેસ્ટ ન્યૂઝ અપડેટ્સ આપના ફોન પર સૌથી ઝડપી મેળવવા માટે આજે જ ડાઉનલોડ કરો “MantavyaNews” ની નવી મોબાઇલ એપ્લિકેશન.