કેન્દ્રીય તપાસ એજન્સી સીબીઆઈએ યુકે સ્થિત કેમ્બ્રિજ એનાલિટિકા સામે કેસ નોંધ્યો છે. ડેટા ચોરી કરવા બદલ 5.62 લાખ ભારતીય ફેસબુક યુઝર્સનો ડેટા ચોરી કરવાના આરોપમાં કેસ નોંધવામાં આવ્યો છે. આ જ કેસમાં સીબીઆઈએ યુકેની અન્ય કંપની ગ્લોબલ સાયન્સ રિસર્ચ સામે પણ કાર્યવાહી શરૂ કરી છે. કેન્દ્રીય પ્રધાન રવિશંકર પ્રસાદે કહ્યું કે સીબીઆઈ ફેસબુક-કેમ્બ્રિજ એનાલિટિકા ડેટા ચોરીના કેસની તપાસ કરશે.
સીબીઆઈના જવાબમાં સોશિયલ મીડિયા કંપનીને કહેવામાં આવ્યું છે કે ગ્લોબલ સાયન્સ રિસર્ચ દ્વારા ગેરકાયદેસર રીતે 5.62 લાખ ભારતીય ફેસબુક યુઝર્સનો ડેટા જમા કર્યો અને તેને કેમ્બ્રિજ એનાલિટિકા સાથે શેર કર્યો હતો. એવો આરોપ છે કે કેમ્બ્રિજ એનાલિટિકાએ આ માહિતીનો ઉપયોગ ભારતની ચૂંટણીને પ્રભાવિત કરવા માટે કર્યો હતો.
આપને જણાવી દઈએ કે માર્ચ 2018 માં, ઘણા આંતરરાષ્ટ્રીય મીડિયા પ્લેટફોર્મ્સે પૂર્વ કર્મચારીઓ, સહયોગીઓ અને કેમ્બ્રિજ એનાલિટિકાના દસ્તાવેજોના સંદર્ભકહ્યું હતું કે, ફર્મના 5 કરોડથી વધુ યુઝર્સની પરવાનગી લીધા વગર તેમની ફેસબુક પ્રોફાઈલથી વ્યક્તિગત માહિતી એકઠી કરી હતી. હવે આ મામલે કેસ નોંધ્યા બાદ સીબીઆઈએ તપાસ શરૂ કરી છે.
મંતવ્ય ન્યૂઝ દ્વારા જાહેર અપીલ –
દેશ – દુનિયા સહિત ગુજરાતમાં પણ કોરોનાએ જ્યારે ફરી માંથુ ઉચક્યુ છે, ત્યારે અમે મંતવ્ય ન્યૂઝ તમામ નાગરીકોને અપીલ કરીએ છીએ કે, આ સમયે કોરોનાથી ડરવાની નહીં, પરંતુ સંયમ સાથે વર્તવાની જરુર છે. બને તેટલો જાહેર સંપર્ક ટાળો, કોરોના માર્ગદર્શીકા અને સરકારનાં સૂચનોનું ચુસ્તપણે પાલન કરો અને સ્વજનોને પણ કરાવો. આ કાળમાં તકેદારીએ જ સ્વસ્થ્ય હોય સંયમ સાથે નિયમોનું પાલન કરી એક જાગૃત નાગરીકની ફરજ બજાવો…
