ભારતે આત્મનિર્ભરતાની દિશામાં વધુ એક સફળતા હાંસલ કરી છે. DRDOએ આજે સ્વદેશી રીતે વિકસિત લેસર-ગાઈડેડ એન્ટી-ટેન્ક ગાઈડેડ મિસાઈલ (ATGM)નું સફળતાપૂર્વક પરીક્ષણ કર્યું. લેસર-ગાઈડેડ એન્ટી-ટેન્ક ગાઈડેડ મિસાઈલ (ATGM)નું આ પરીક્ષણ DRDO અને ભારતીય સેના દ્વારા કરવામાં આવ્યું હતું. દેશના રક્ષા મંત્રી રાજનાથ સિંહે આ સફળતા પર ડીઆરડીઓ અને ભારતીય સેનાને અભિનંદન પાઠવ્યા છે.
મહારાષ્ટ્રમાં KK રેન્જ ખાતે આર્મર્ડ કોર્પ્સ સેન્ટર અને સ્કૂલ (ACC&S) અહમદનગરના સહયોગથી મુખ્ય યુદ્ધ ટેન્ક (MBT) અર્જુનથી આ પરીક્ષણ સફળતાપૂર્વક હાથ ધરવામાં આવ્યું છે. મિસાઇલો ચોકસાઇ સાથે ત્રાટકી હતી અને બે અલગ-અલગ રેન્જમાં લક્ષ્યોને સફળતાપૂર્વક પુર્ણ કર્યા.
ATGM મલ્ટિ-પ્લેટફોર્મ લોન્ચ ક્ષમતા સાથે વિકસાવવામાં આવી છે અને હાલમાં મુખ્ય યુદ્ધ ટેન્ક (MBT) અર્જુનની 120 mm રાઈફલ્ડ ગન સાથે તકનીકી મૂલ્યાંકન પરીક્ષણોમાંથી પસાર થઈ રહી છે. લેસર ગાઇડેડ એટીજીએમ એક્સપ્લોઝિવ રિએક્ટિવ આર્મર (ઇઆરએ) સંરક્ષિત સશસ્ત્ર વાહનોને હરાવવા માટે ટેન્ડમ હાઇ એક્સપ્લોઝિવ એન્ટિ-ટેન્ક (હીટ) વોરહેડનો ઉપયોગ કરે છે.
DRDO successfully tests Fire Laser-Guided ATGMs. pic.twitter.com/W0NcQ4gT4y
— ANI (@ANI) August 4, 2022
આજના ટ્રાયલ સાથે, એન્ટિ-ટેન્ક ગાઇડેડ મિસાઇલ (ATGM) ની લઘુત્તમથી મહત્તમ રેન્જમાં લક્ષ્યોને જોડવાની ક્ષમતાની સ્થિરતા સફળતાપૂર્વક સ્થાપિત કરવામાં આવી છે. રક્ષા મંત્રી રાજનાથ સિંહે લેસર ગાઈડેડ એટીજીએમના સફળ પ્રદર્શન માટે ડીઆરડીઓ અને ભારતીય સેનાની પ્રશંસા કરી છે. બીજી તરફ, સંરક્ષણ સંશોધન અને વિકાસ વિભાગના સચિવ અને DRDOના અધ્યક્ષ જી સતીશ રેડ્ડીએ લેસર ગાઈડેડ એટીજીએમના પરીક્ષણ ફાયરિંગમાં સામેલ ટીમોને અભિનંદન પાઠવ્યા હતા.