DC vs MI IPL 2026 Live Score: આઈપીએલ 2026 ની 8મી મેચમાં આજે દિલ્હી કેપિટલ્સ (DC) અને મુંબઈ ઇન્ડિયન્સ (MI) વચ્ચે કાંટે કી ટક્કર જોવા મળી રહી છે. દિલ્હીના અરુણ જેટલી સ્ટેડિયમમાં રમાઈ રહેલી આ મેચમાં દિલ્હીએ ટોસ જીતીને પહેલા બોલિંગ કરવાનો નિર્ણય લીધો હતો. બંને ટીમો પોતાની પહેલી મેચ જીતીને મેદાનમાં ઉતરી છે, જેના કારણે આ મુકાબલો વધુ રસપ્રદ બન્યો છે.
રોહિત શર્માની સારી શરૂઆત પણ મોટી ઇનિંગમાં નિષ્ફળ
મુંબઈ ઇન્ડિયન્સની (IPL) શરૂઆત ધાર્યા મુજબની રહી નહોતી. પાવરપ્લેમાં જ ટીમે 2 મહત્વની વિકેટ ગુમાવી દીધી હતી. મુકેશ કુમારે એક જ ઓવરમાં રયાન રિકેલ્ટન (9 રન) અને તિલક વર્મા (0 રન) ને આઉટ કરીને મુંબઈને બેકફૂટ પર ધકેલી દીધું હતું. હિટમેન રોહિત શર્મા લયમાં દેખાઈ રહ્યો હતો, તેણે 26 બોલમાં 5 ચોગ્ગા અને 1 છગ્ગાની મદદથી 35 રન બનાવ્યા હતા. જોકે, અક્ષર પટેલની ઓવરમાં નીતીશ રાણાના હાથે કેચ આઉટ થતા મુંબઈને ત્રીજો મોટો ફટકો પડ્યો હતો.
હાર્દિક બીમાર, સૂર્યકુમાર યાદવ સંભાળી રહ્યો છે કમાન
આ મેચમાં (IPL) મુંબઈ ઇન્ડિયન્સ માટે સૌથી મોટા સમાચાર એ છે કે નિયમિત કેપ્ટન હાર્દિક પંડ્યા બીમાર હોવાને કારણે પ્લેઇંગ-11 નો હિસ્સો નથી. તેમની ગેરહાજરીમાં સ્ટાર બેટ્સમેન સૂર્યકુમાર યાદવ ટીમનું નેતૃત્વ કરી રહ્યો છે. ઉલ્લેખનીય છે કે સૂર્યાની કેપ્ટન્સીમાં જ ભારતે આ વર્ષે આઈસીસી ટી20 વર્લ્ડ કપ 2026 જીત્યો હતો.
IPLનો હેડ-ટુ-હેડ રેકોર્ડ (H2H)
IPL ના ઇતિહાસમાં આ બંને ટીમો વચ્ચે અત્યાર સુધીમાં કુલ 37 મેચ રમાઈ છે, જેમાં મુંબઈનો હાથ ઉપર રહ્યો છે:
કુલ મેચ: 37
મુંબઈ જીત્યું: 21
દિલ્હી જીત્યું: 16
બંને ટીમોની પ્લેઇંગ-11:
દિલ્હી કેપિટલ્સ: કેએલ રાહુલ (wk), પથુમ નિસાંકા, નીતીશ રાણા, ટ્રિસ્ટન સ્ટબ્સ, ડેવિડ મિલર, અક્ષર પટેલ (કેપ્ટન), વિપ્રજ નિગમ, લુંગી એનગિડી, કુલદીપ યાદવ, મુકેશ કુમાર અને ટી નટરાજન.
મુંબઈ ઇન્ડિયન્સ: રયાન રિકેલ્ટન (wk), રોહિત શર્મા, સૂર્યકુમાર યાદવ (કેપ્ટન-IPL), તિલક વર્મા, નમન ધીર, શેરફેન રધરફોર્ડ, મિચેલ સેન્ટનર, શાર્દુલ ઠાકુર, દીપક ચાહર, કોર્બિન બોશ અને જસપ્રીત બુમરાહ.
