Delhi News: દિલ્હીના મુખ્યમંત્રી અરવિંદ કેજરીવાલ દારૂ કૌભાંડમાં એન્ફોર્સમેન્ટ ડિરેક્ટોરેટ (ED)ની કસ્ટડીમાં છે. જો કે, તેમણે હજુ સુધી મુખ્યમંત્રી પદ પરથી રાજીનામું આપ્યું નથી અને પાર્ટીનું કહેવું છે કે તેઓ જેલમાંથી જ સરકાર ચલાવશે. દિલ્હીના મુખ્યમંત્રી અરવિંદ કેજરીવાલે રવિવારે એક આદેશ જારી કર્યો હતો. દિલ્હી સરકારના મંત્રી આતિશીએ કહ્યું કે અરવિંદ કેજરીવાલે જેલમાંથી આદેશ આપ્યો છે કે રાજધાનીમાં અવિરત પાણી પુરવઠો હોવો જોઈએ અને લોકોને કોઈ સમસ્યાનો સામનો કરવો ન જોઈએ.
હવે આમાં મહત્વની વાત એ છે કે આતિશીએ બતાવેલ ઓર્ડર છપાયેલો છે. આવી સ્થિતિમાં એક મોટો સવાલ એ ઊભો થાય છે કે જો અરવિંદ કેજરીવાલ EDની કસ્ટડીમાં છે તો તેમણે પ્રિન્ટેડ ઓર્ડર કેવી રીતે આપ્યો કારણ કે તેમને ન તો કોમ્પ્યુટર આપવામાં આવ્યું છે અને ન તો તેમને કોઈ કાગળ આપવામાં આવ્યો છે અને પ્રિન્ટેડ ઓર્ડર પર પણ જરીવાલની સહી છે.
EDએ સમગ્ર મામલાને ગંભીરતાથી લીધો છે અને તેની તપાસ પણ શરૂ કરી શકે છે. ED અધિકારીઓનું માનવું છે કે આદેશની નકલ મીડિયામાં કેવી રીતે આવી અને જ્યારે કેજરીવાલ પાસે કોઈ કાગળ કે કોમ્પ્યુટર નથી તો તે કેવી રીતે છપાઈ?
સીએમ કેજરીવાલે પોતાના આદેશમાં લખ્યું હતું કે, “મને ખબર પડી છે કે દિલ્હીના વિસ્તારોમાં પાણી અને ગટરની ઘણી સમસ્યા છે. હું આ અંગે ચિંતિત છું. હું જેલમાં છું, આના કારણે લોકોને કોઈ મુશ્કેલી ન પડવી જોઈએ.ઉનાળો પણ આવી રહ્યો છે અને જ્યાં પાણીની અછત છે ત્યાં યોગ્ય સંખ્યામાં ટેન્કરની વ્યવસ્થા કરો. મુખ્ય સચિવ અને અન્ય અધિકારીઓને યોગ્ય આદેશ આપો જેથી જનતાને કોઈપણ પ્રકારની સમસ્યાનો સામનો કરવો ન પડે. જરૂર પડે તો લેફ્ટનન્ટ ગવર્નરની પણ મદદ લો. તેઓ પણ તમને ચોક્કસ મદદ કરશે.”
આ દરમિયાન કેજરીવાલ હજુ પણ EDની કસ્ટડીમાં છે પરંતુ જો તેઓ જેલમાં જશે તો સરકાર ચલાવવી મુશ્કેલ બનશે. જો કેજરીવાલ જેલમાં જશે તો તેમના માટે સામાન્ય કેદીઓની જેમ નિયમો હશે. ઉદાહરણ તરીકે, કેદીને હસ્તાક્ષર માટે કોઈપણ પ્રકારની ફાઇલ મોકલી શકાતી નથી. કેદીને મળવા માટે પણ જેલ પ્રશાસનને નામ આપવા પડે છે. પરવાનગી બાદ એક સમયે માત્ર 3 લોકો જ મળી શકશે.
આ પણ વાંચો:શરદ પવાર અને ઉદ્ધવ ઠાકરે આજે કરશે બેઠક વહેંચણીને લઈને મહત્વની બેઠક, જાણો ક્યારે થશે યાદી જાહેર
આ પણ વાંચો:રાજસ્થાનમાં અહીં હોળી રંગોથી નહીં, પરંતુ અગ્નિથી રમવામાં આવે છે… 10 દિવસ સુધીલોકો કરે છે આવું…
આ પણ વાંચો:મધ્યપ્રદેશના વિવાદિત ભોજશાળા સંકુલનો સર્વે કેમ કરી રહ્યું છે ASI? આખી વાત જાણી લો
