National News 2026: વર્ષ 2020 ના દિલ્હી રમખાણો (Delhi Riots) ના કાવતરાના આરોપી અને જેએનયુ (JNU) ના પૂર્વ વિદ્યાર્થી નેતા ઉમર ખાલિદને દિલ્હી હાઈકોર્ટ તરફથી મોટી વચગાળાની રાહત મળી છે. અદાલતે માનવતાવાદી અભિગમ અપનાવીને ઉમર ખાલિદની ત્રણ દિવસની વચગાળાની જામીન (Interim Bail) અરજી સ્વીકારી લીધી છે. ખાલિદને આ રાહત હોસ્પિટલમાં દાખલ તેમની માતાની મોટી સર્જરી દરમિયાન તેમની સાથે રહેવા માટે આપવામાં આવી છે. જોકે, હાઈકોર્ટે આ મુક્તિ સાથે અત્યંત કડક શરતો પણ લાગુ કરી છે.
માત્ર ઘર અને હોસ્પિટલ જવાની જ મંજૂરી(Umar Khalid)
ઉત્તર-પૂર્વી દિલ્હી દંગાના મોટા કાવતરા સાથે જોડાયેલા યુએપીએ (UAPA) કેસ હેઠળ ઉમર ખાલિદ(Umar Khalid) છેલ્લા સાડા પાંચ વર્ષથી જેલમાં બંધ છે. હાઈકોર્ટે તેમની સુરક્ષા અને કેસની સંવેદનશીલતાને ધ્યાનમાં રાખીને તેમના હલનચલનનો વ્યાપ સંપૂર્ણપણે મર્યાદિત કરી દીધો છે. જામીનની શરતો અનુસાર, ખાલિદે દિલ્હીમાં પોતાના નક્કી કરેલા સરનામે (ઘરે) જ રોકાવું પડશે. તેઓ માત્ર પોતાની માતાને મળવા હોસ્પિટલ જઈ શકશે, તે સિવાય તેમને અન્ય કોઈ પણ જગ્યાએ કે જાહેર સ્થળે જવાની પરવાનગી રહેશે નહીં.
જામીન માટે ચૂકવવો પડશે ₹1 લાખનો બોન્ડ
કોર્ટે વચગાળાના જામીન માટે કેટલીક મહત્વપૂર્ણ શરતો રાખી છે, જે નીચે મુજબ છે:
ઉમર ખાલિદે(Umar Khalid) જેલમાંથી બહાર આવવા માટે ₹1 લાખનો જામીન બોન્ડ (Surety Bond) ભરવો પડશે.
જામીનના આ આખા સમયગાળા દરમિયાન તેઓ માત્ર એક જ ચાલુ મોબાઈલ નંબરનો ઉપયોગ કરી શકશે.
આ મોબાઈલ નંબરની સંપૂર્ણ વિગત અને લોકેશનની જાણકારી તેમણે તપાસ એજન્સીને અગાઉથી આપવી પડશે.
નીચલી અદાલતે અરજી ફગાવી દીધી હતી
આ પૂર્વે ટ્રાયલ કોર્ટે (નીચલી અદાલતે) ઉમર ખાલિદની(Umar Khalid) વચગાળાની જામીન અરજી એવું કહીને ફગાવી દીધી હતી કે પરિવારના અન્ય સભ્યો પણ માતાની સંભાળ લેવા માટે હાજર છે. નીચલી અદાલતના આ નિર્ણય બાદ ખાલિદે હાઈકોર્ટના દરવાજા ખખડાવ્યા હતા. હાઈકોર્ટમાં સુનાવણી દરમિયાન તેમના વકીલે દલીલ કરી હતી કે માતાની ગંભીર સર્જરીના સમયે એક પુત્ર તરીકે તેમનું સાથે હોવું ખૂબ જ જરૂરી છે, જેને કોર્ટે માન્ય રાખી ન્યાયિક રાહત આપી છે.
આ પણ વાંચો: દિલ્હી રમખાણો મામલો: ઉમર ખાલિદ અને શરજીલ ઈમામ જેલમાં જ રહેશે, અન્યને આરોપીઓને રાહત
આ પણ વાંચો: ન્યુયોર્કના મેયર મમદાનીની ઉમર ખાલિદને કરુણાભર્યો પત્ર, જેલમાં વિતતાં સમય પર સહાનુભૂતિ દર્શાવી
આ પણ વાંચો: દિલ્હી સુપ્રીમ કોર્ટ આજે સુનાવણી કરશે, હાઇકોર્ટે અરજી ફગાવી દીધી હતી, ઉમર ખાલિદની અરજી….
