દિલ્હી હાઈકોર્ટે મંગળવારે આમ આદમી પાર્ટીના વડા અને દિલ્હીના મુખ્યમંત્રી અરવિંદ કેજરીવાલ સામે તપાસની માંગ કરતી અરજીને ફગાવી દીધી હતી. આ અરજીમાં આરોપ લગાવવામાં આવ્યો હતો કે અરવિંદ કેજરીવાલના ખાલિસ્તાનીઓ સાથે સંબંધો છે. હવે સુપ્રીમ કોર્ટે કેજરીવાલ વિરુદ્ધ તપાસ માટે દાખલ કરેલી આ અરજી પર વિચાર કરવાનો ઈન્કાર કરી દીધો છે.
આ પણ વાંચો:રશિયાએ ચીન પાસે સશસ્ત્ર ડ્રોન માંગ્યા, યુક્રેનને લઈને અમેરિકાની ચિંતા
દિલ્હી હાઈકોર્ટના કાર્યકારી ચીફ જસ્ટિસ વિપિન સાંઘી અને જસ્ટિસ નવીન ચાવલાની ડિવિઝન બેંચે કોંગ્રેસ નેતા જગદીશ શર્મા દ્વારા દાખલ કરવામાં આવેલી પીઆઈએલને સંપૂર્ણપણે પાયાવિહોણી ગણાવી છે. કોંગ્રેસ નેતા જગદીશ શર્માના વકીલને પણ આવી અરજી ન દાખલ કરવા માટે કહેવામાં આવ્યું છે.
આ અરજી પર ટિપ્પણી કરતા સુપ્રીમ કોર્ટની બેન્ચે કહ્યું કે તમારા દ્વારા આપવામાં આવેલી આ અરજીમાં તમે કહો છો કે અધિકારીઓને પંજાબના તત્કાલિન મુખ્યમંત્રીના પત્રની જાણ છે. તો પછી કંઈ નિર્દેશ કરવાનો પ્રશ્ન જ ક્યાં છે, મહેરબાની કરીને આવી અરજીઓ દાખલ કરશો નહીં.
કેજરીવાલ પર SFJ સાથે જોડાણનો આરોપ હતો
જણાવી દઈએ કે, કોંગ્રેસ નેતા દ્વારા ઉચ્ચ સ્તરીય તપાસની માંગ સાથે આપવામાં આવેલી આ અરજીમાં કહેવામાં આવ્યું હતું કે અરવિંદ કેજરીવાલના શિખ ફોર જસ્ટિસ (SFJ) નામના પ્રતિબંધિત ખાલિસ્તાની સંગઠન સાથે સંબંધ છે. આટલું જ નહીં, આ સંગઠનમાંથી AAP પાર્ટીને પૈસા મળવાનો પણ આરોપ છે. આ અરજીમાં પંજાબના મુખ્યમંત્રી ચરણજીત સિંહ ચન્નીએ લખેલા પત્ર અને કુમાર વિશ્વાસના નિવેદનનો ઉલ્લેખ કરવામાં આવ્યો છે.
આ અરજીમાં એ પણ ઉલ્લેખ કરવામાં આવ્યો છે કે ચન્નીએ આ મામલે કેન્દ્રીય ગૃહ મંત્રી અમિત શાહને પત્ર પણ લખ્યો છે, જેના પર ગૃહ મંત્રાલયે સંપૂર્ણ તપાસનું આશ્વાસન આપ્યું છે. પંજાબ ચૂંટણી પહેલા AAPના પૂર્વ નેતા અને કવિ કુમાર વિશ્વાસે પણ કેજરીવાલ પર ખાલિસ્તાનીઓને સમર્થન કરવાનો આરોપ લગાવ્યો હતો.
આ પણ વાંચો:કોરોના વાયરસના કારણે ચીનની હાલત ખરાબ, કહ્યું, કોવિડને કાબૂમાં રાખવું મુશ્કેલ બની રહ્યું છે
આ પણ વાંચો:તોતિંગ ટ્રક ઘેટા ઉપર ફરી વળતા 12 ઘેટાના મોત : માલધારી પરિવાર ઉપર આફત
