મહિલાઓને ઘણીવાર સ્તન કેન્સર થાય છે, કેન્સર જેવી ખતરનાક બિમારી, જેમાં મહિલાઓને તેમના સ્તનો દૂર કરવા પડે છે, પરંતુ આ દરમિયાન એક અજીબોગરીબ કિસ્સો સામે આવ્યો છે, હકીકતમાં, એક મહિલાને કેન્સર ન હોવા છતાં તેના બંને બ્રેસ્ટ કપાવી નાંખ્યા છે.
આપને જણાવી દઈએ કે અમેરિકાના ફ્લોરિડામાં એક મહિલાએ 28 વર્ષની ઉંમરે પોતાના બંને બ્રેસ્ટ કાપી નાખ્યા અને સપાટ છાતી રાખવાનો નિર્ણય કર્યો. સ્ટેફની જર્મિનો નામની આ મહિલા 15 વર્ષની ઉંમરથી જ જાણતી હતી કે તેને સ્તન કેન્સરનું જોખમ છે. જ્યારે તેણી 27 વર્ષની હતી ત્યારે તેણીમાં BRCA1 જીન મ્યૂટેશન થયું હોવાની પુષ્ટિ થઈ હતી. તેણીની 77 વર્ષની નાની ટેરેસા અને 53 વર્ષની મમ્મી ગીબ્રિએલા પણ BRCA1 પોઝીટીવ હતા.
જણાવીએ કે, BRCA1 જીન મ્યૂટેશનને કારણે સ્તન કેન્સરનું જોખમ રહે છે. આવી સ્થિતિમાં, BRCA1 જીન મ્યૂટેશનની પુષ્ટિ થયા પછી, સ્ટેફનીએ કેન્સરને વધતું અટકાવવા માટે 27 વર્ષની ઉંમરે ડબલ મેસ્ટેક્ટોમી કરાવવાનું નક્કી કર્યું. તે કહે છે કે આ નિર્ણય લેવો સરળ ન હતો પરંતુ તે જીવનથી વધુ ન હતું. જણાવીએ કે સ્ટેફનીને એક પુત્ર છે, તેણી કહે છે કે હું ખૂબ જ ભાવુક હતી પરંતુ મેં તેને મૃત્યુદંડ તરીકે ન લીધી.
સ્ટેફનીએ કહ્યું કે ‘મને પહેલાથી જ ખબર હતી કે મારા પરિવારમાં બ્રેસ્ટ કેન્સરનો ઈતિહાસ હતો કારણ કે મારી માતાને બે વાર થઈ હતી. જ્યારે હું લગભગ 15 વર્ષની હતી, ત્યારે મારી માતાએ મને કહ્યું કે તે BRCA1 જીન પોઝિટિવ છે, તેથી મારે પણ તેનો સામનો કરવો પડ્યો. સ્ટેફનીએ જણાવ્યું કે 28 વર્ષની ઉંમરે તેણે પરિવાર અને મંગેતર ડાયનાના સમર્થનથી તેની સર્જરી કરાવી હતી અને હવે તે પહેલા કરતા વધુ આત્મવિશ્વાસ અનુભવે છે.
આ પણ વાંચો:રશિયા-યુક્રેન યુદ્ધ પર વાયુસેના પ્રમુખે કહ્યું, લાંબા યુદ્ધ માટે તૈયાર રહેવું પડશે
આ પણ વાંચો: છૂટાછેડા કાયદામાં ધરમૂળથી ફેરફારઃ પારસ્પરિક સંમતિ હોય તો એક વર્ષ અલગ રહેવું જરૂરી નથી
આ પણ વાંચો:UPI સેવા બનશે હવે વધુ એડવાન્સ, ગ્રાહકો ચોક્કસ હેતુઓ માટે ખાતામાં ભંડોળ બ્લોક કરી શકશે
