Dhoni IPL captaincy: IPL એ માત્ર ભારતની જ નહીં પરંતુ સમગ્ર વિશ્વની ફેવરિટ T20 લીગ છે. ચાહકો આ લીગમાં ધોની, કોહલી, રોહિત, કેએલ રાહુલ, હાર્દિક પંડ્યાની રમતની રાહ જોઈ રહ્યા છે. IPLની શરૂઆતથી જ કેટલાક ભારતીય ખેલાડીઓ દરેકના ફેવરિટ પ્લેયર બની ગયા છે. કોહલી, ધોની આમાં સૌથી આગળ છે. ધોનીએ પોતાની કેપ્ટનશિપથી દરેકના દિલ પર રાજ કર્યું છે. ચેન્નાઈ (CSK)ની ટીમને આજે પણ ધોની જેવો કેપ્ટન મળ્યો નથી. ગત સિઝનમાં ટીમે જાડેજા પર કેપ્ટનશિપનો દાવ રમ્યો હતો જે સંપૂર્ણ ફ્લોપ સાબિત થયો હતો. તે પછી અડધી IPLમાં ધોનીને પાછળથી કેપ્ટન બનાવવો પડ્યો. આજે તમને ધોનીની IPL કેપ્ટનશીપ કરિયર વિશે જણાવીશું.
ધોનીએ 210 IPL મેચોમાં કેપ્ટનશીપ કરી છે. જેમાં 123 જીતી છે અને 86 હારનો સામનો કરવો પડ્યો છે. જીતની ટકાવારી વિશે વાત કરીએ તો તે 58.85 રહી છે. ધોનીની આ જીતની ટકાવારી IPL ઇતિહાસમાં સર્વશ્રેષ્ઠ છે. ધોની પછી જ રોહિત, કોહલીનો નંબર આવે છે. એટલે કે આ આંકડાઓ ધોનીનું પ્રદર્શન જણાવવા માટે પૂરતું છે. ચેન્નાઈની ટીમ 4 વખત IPL જીતી ચૂકી છે, જ્યારે પ્રતિબંધને કારણે ટીમ 2016 અને 2017ની સિઝનમાં એક પણ મેચ રમી શકી ન હતી.
ધોનીએ હજુ સુધી IPLના ભવિષ્ય અંગે કંઈ સ્પષ્ટ કર્યું નથી. જોકે એવું માનવામાં આવે છે કે ધોની આ સિઝન પછી નહીં રમે. એટલે કે ધોનીની આ છેલ્લી IPL હોઈ શકે છે. આ કારણથી તમામ ચાહકો ધોનીની જીત માટે પ્રાર્થના કરશે. દરેક વ્યક્તિ ઈચ્છે છે કે IPL બોસ જીત સાથે લીગ છોડી દે.
આ પણ વાંચો: અમદાવાદ/LIVE : PM મોદીની માતા હીરાબાની તબિયત બગડી, CM ભૂપેન્દ્ર પટેલા પહોંચ્યા હોસ્પિટલ
