Rajkot News:રાજકોટ (Rajkot) માં પાટીદાર સમાજની એક વિધવા મહિલા પર તેના જ પરિવારના સભ્યો દ્વારા ત્રાસ ગુજારવાનો મામલો સામે આવ્યો છે. મુંબઈમાં રહેતી પુત્રી ક્રિસ્ટીના પટેલે રડતા રડતા સોશિયલ મીડિયા પર એક વીડિયો અપલોડ કર્યો છે અને ન્યાયની માંગણી કરી છે. આ મામલે તેણે રાજકોટ પોલીસ કમિશનર સમક્ષ અરજી પણ કરી છે.
ઈન્સ્ટાગ્રામ પર પોસ્ટ કરેલા વીડિયોમાં ક્રિસ્ટીનાએ કહ્યું છે કે તેના મોટા પિતા ભાજપમાં છે, તેથી પોલીસ ફરિયાદ લેતી નથી અને જો તે રાજકારણમાં હોય તો શું તમે કોઈને મારી પણ શકો છો? રાજકારણનો આટલો ફાયદો ન ઉઠાવવો જોઈએ, હવે મને લાગે છે કે આ લોકોએ મારા પિતા (પરેશ અમૃતલાલ અમૃતિયા) ને મારી નાખ્યા હશે, મને સમજાતું નથી કે શું કરવું. હું મુંબઈમાં રહું છું, મારી માતા રાજકોટમાં રહે છે. હું ગુજરાત પોલીસ પાસેથી કાર્યવાહી અને મારી માતાના રક્ષણની માંગ કરું છું, પોલીસ ઓછામાં ઓછું આટલું તો કરી શકે છે.
આ દીકરી મુંબઈ એકલી રહે છે જેને રડતા રડતા કહ્યું હતું કે હું લાંબા સમયથી ઘણી સમસ્યાઓનો સામનો કરી રહી છું. મેં એક દિવસ માટે પણ સોશિયલ મીડિયાનો ઉપયોગ કર્યો ન હતો.પરંતુ પિતાના અવસાન પછી, હું ઘણું બધું જોઈ રહી છું. મારા પિતાના પરિવારે તેમની બધી મિલકત લઈ લીધી છે, મને તેની કોઈ અસર પણ થઈ નથી, અમે કોઈ પ્રતિક્રિયા આપી નથી, અમે કાનૂની કાર્યવાહી કરી છે, જે દરેક કરે છે.
વધુમાં જણાવતા તેને કહ્યું કે હું મુંબઈ છું અને મારી માતા રાજકોટમાં એકલી રહે છે. મારા મોટા પપ્પા જેનું નામ બિપિન અમૃતિયા છે, ભાઈ આનંદ અમૃતિયા અને એક અન્ય વ્યક્તિ જેનું નામ હું જાણતી નથી. આ લોકોએ મારી માતા પર ઘાતક હુમલો કર્યો છે. તેઓ મારા ઘરમાં ઘૂસી ગયા અને મારી માતા સાથે દુર્વ્યવહાર કર્યો છે.અમે પોલીસને ફોન કર્યો, પરંતુ તેમણે કોઈ કાર્યવાહી કરી નહીં, એટલે કે તેઓએ અમારી ફરિયાદ લીધી નહીં. અમે કમિશનર સાથે વાત કરવાનો પ્રયાસ કર્યો, પરંતુ તેમણે કોઈ કાર્યવાહી કરી નહીં.
‘મારા મોટા પપ્પા ભાજપમાં છે, તેનો અર્થ શું એ છે કે જો તમે રાજકારણમાં છો, તો તમે તેનો ફાયદો ઉઠાવશો અને કોઈનો જીવ લેશો. જો મારી માતાને કંઈક થયું હોત, તો હું શું કરત? હું તે લોકોનો આભાર માનું છું જેમણે મારી માતાને બચાવી. પોલીસ ફરિયાદ કેમ નથી લઈ રહી? હું જાણવા માંગુ છું. જો કોઈના જીવને જોખમ હોય, તો ફરિયાદ કેમ લેવામાં આવતી નથી, કારણ કે તે ભાજપમાં છે, કૃપા કરીને આનો ફાયદો ન ઉઠાવો, શું તેઓ કોઈને ફક્ત એટલા માટે મારી નાખશે કારણ કે તેઓ રાજકારણમાં છે? હવે મને લાગે છે કે મારા પિતાનું અચાનક અવસાન થયું છે, જો તેમને કોઈ બીમારી ન હતી, તો આ લોકોએ તેમને મારી નાખ્યા હશે. મને સમજાતું નથી કે શું કરું… હું મુંબઈમાં રહું છું, મારી માતા ત્યાં રહે છે, હું ગુજરાત પોલીસ પાસેથી મારી માતા માટે કાર્યવાહી અને રક્ષણની માંગ કરું છું, પોલીસ ઓછામાં ઓછું આટલું તો કરી શકે છે.’
નોંધનીય છે કે એક તરફ પાટીદાર સમાજ બહેનો અને દીકરીઓની સુરક્ષા માટે સભાઓ કરી રહ્યો છે, તો બીજી તરફ તે જ સમુદાયની એક વિધવા મહિલા પોતાના ન્યાય માટે અહીં-ત્યાં ભટકતી રહી છે.
આ પણ વાંચો:તું અહીથી જવાદે મારા સામેથી, રાજકોટ સિવિલ સ્ટાફની લૂખી દાદાગીરી, મીરા આહિરને થયો કડવો અનુભવ
આ પણ વાંચો:રાજકોટ જન્માષ્ટમી લોકમેળો 2025: રાઇડ્સની મજા સાથે ટિકિટ દરમાં વધારો, સલામતી અંગે ચિંતા
