પંજાબ વિધાનસભાની ચૂંટણી પહેલા EDએ મોટી કાર્યવાહી કરી છે. ED પંજાબના સીએમ ચરણજીત સિંહ ચન્નીના ભત્રીજા ભૂપિન્દર સિંહ હની અને અન્યના ઘર પર દરોડા પાડી રહી છે. ED ગેરકાયદેસર રેતી ખનનના મામલામાં સીએમ ચન્નીના ભત્રીજા સામે કાર્યવાહી કરી રહી છે.જાણો રેત માફિયા ભૂપિન્દર સિંહ હની પંજાબના મુખ્યમંત્રી ચરણજીત સિંહ ચન્નીના નજીકના માનવામાં આવે છે. ED હોમલેન્ડ સોસાયટીમાં હનીના ઘરે દરોડા પાડી રહી છે. ED પંજાબમાં અને ઘણી જગ્યાએ દરોડા પાડી રહી છે
પંજાબ વિધાનસભા ચૂંટણીમાં ગેરકાયદેસર રેતી ખનન અને રેતી માફિયાઓનો મુદ્દો મહત્વનો છે. સીએમ ચરણજીત સિંહ ચન્ની, નવજોત સિંહ સિદ્ધુ અને દિલ્હીના સીએમ અરવિંદ કેજરીવાલે ઘણી વખત આ મુદ્દો ઉઠાવ્યો છે. નવજોત સિંહ સિદ્ધુએ તો રેતીના દર નક્કી કરવાનું વચન પણ આપ્યું છે.
પંજાબમાં 20 ફેબ્રુઆરીએ મતદાન થશે
નોંધનીય છે કે પંજાબ વિધાનસભાની ચૂંટણી માટે 20 ફેબ્રુઆરીએ મતદાન થશે. પંજાબમાં વિધાનસભાની ચૂંટણી એક તબક્કામાં યોજાશે. પંજાબમાં પહેલા 14 ફેબ્રુઆરીએ મતદાન થવાનું હતું, પરંતુ રવિદાસ જયંતિના કારણે ચૂંટણી પંચે મતદાનની તારીખ લંબાવી છે. ઘણા રાજકીય પક્ષોએ આ માટે ચૂંટણી પંચને પત્ર લખ્યા હતા.
