એન્ફોર્સમેન્ટ ડિરેક્ટોરેટ (ED)ના એક પછી એક દરોડા ચાલુ છે. હવે તપાસ એજન્સીની ટીમ મુંબઈમાં શિવસેનાના રાજ્યસભા સાંસદ સંજય રાઉતના ઘરે પહોંચી છે. સૂત્રોના જણાવ્યા અનુસાર રાઉતને પૂછપરછ માટે કસ્ટડીમાં લેવામાં આવી શકે છે.
સંજય રાઉત સામે 1034 કરોડ રૂપિયાના પત્રચાલ કૌભાંડ સાથે જોડાયેલા મની લોન્ડરિંગ કેસમાં તપાસ ચાલી રહી છે. EDએ તેમને અનેક વખત સમન્સ જારી કર્યા છે. પરંતુ એક યા બીજા કારણોસર રાઉત ED સમક્ષ હાજર થઈ રહ્યા નથી. નાણાકીય તપાસ એજન્સી મુંબઈના ગોરેગાંવ ઉપનગરમાં પુનઃવિકાસ પ્રોજેક્ટમાં કથિત અનિયમિતતાઓની તપાસ કરી રહી છે.
Dએ તેમની અનેક કલાકો સુધી પૂછપરછ પણ કરી હતી. ED અનુસાર, 2010માં ગુનાની આવકનો એક ભાગ (રૂ. 83 લાખ) સંજય રાઉતની પત્ની વર્ષા રાઉતને પ્રવીણ રાઉતની પત્ની માધુરી પ્રવીણ રાઉત પાસેથી મળ્યો હતો. આ રકમનો ઉપયોગ વર્ષા રાઉતે દાદરમાં ફ્લેટ ખરીદવા માટે કથિત રીતે કર્યો હતો. EDની તપાસ શરૂ થયા બાદ વર્ષા રાઉતે માધુરી રાઉતને 55 લાખ રૂપિયા ટ્રાન્સફર કર્યા હતા.
અગાઉ, તેમણે ઉપરાષ્ટ્રપતિની ચૂંટણી માટે ચાલી રહેલા ઝુંબેશને ટાંકીને તેમની હાજરી માટે ED પાસે વધુ સમય માંગ્યો હતો. આ કેસમાં સંજય રાઉત મુખ્ય આરોપી છે.
રાઉત 27 જુલાઈએ પણ હાજર થયા ન હતા
અગાઉ 27 જુલાઈના રોજ, EDએ આ કેસમાં રાઉતને સમન્સ પાઠવ્યું હતું અને તેમને પૂછપરછ માટે હાજર થવા કહ્યું હતું, પરંતુ રાઉત હાજર થયા ન હતા અને હાજરીમાંથી મુક્તિ માંગી હતી. પરંતુ તે પછી ઇડીએ તેને સ્વીકાર્યું ન હતું. જો કે 1 જુલાઈના રોજ EDએ સંજયની 10 કલાક પૂછપરછ કરી હતી.
Photos/ કુસ્તીબાજ પૂનિયાએ કોમનવેલ્થ ગેમ્સ માટે આ રીતે કરી તૈયારી, રોજ ખાધી અડધો કિલો બદામ અને….
