Gandhinagar News: ગુજરાતના ગાંધીનગરના મેયર મીરા પટેલે (Mayor Meera Patel) મ્યુનિસિપલ કમિશનર (Municipal Commissioner)ને ચૈત્ર નવરાત્રી દરમિયાન રાજ્યની રાજધાનીમાં તમામ માંસાહારી સ્ટોલ, ઈંડાની દુકાનો (Egg and meat shop ) અને કતલખાનાઓ 14 દિવસ માટે બંધ રાખવા વિનંતી કરી છે. 28 માર્ચે મોકલેલા પત્રમાં, તેમણે તહેવારના ધાર્મિક મહત્વને ટાંકીને 30 માર્ચથી 12 એપ્રિલ સુધી આ દુકાનો બંધ રાખવા માટે સત્તાવાર નિર્દેશ જારી કરવા વિનંતી કરી હતી.
મેયરે પત્રમાં જણાવ્યું હતું કે, “ચૈત્ર નવરાત્રિ એ હિન્દુ ધર્મનો એક મહત્વપૂર્ણ તહેવાર છે જેમાં ભક્તો નવ દિવસ સુધી ભક્તિભાવથી દેવીની પૂજા કરે છે. આને ધ્યાનમાં રાખીને, 30 માર્ચથી 12 એપ્રિલ સુધી ગાંધીનગરમાં દેવીના તમામ મંદિરોમાં પૂજા સાથે આ તહેવાર ઉજવવામાં આવશે. આ દેવી પૂજાનો તહેવાર હોવાથી, ચૈત્ર નવરાત્રિ દરમિયાન ગાંધીનગરમાં તમામ માંસાહારી અને ઇંડાની દુકાનો, સ્ટોલ અને કતલખાનાઓ બંધ રાખવાનો આદેશ આપવા વિનંતી છે.”
એક અહેવાલ મુજબ, તેમણે આગળ લખ્યું, “ચૈત્ર નવરાત્રી દરમિયાન, હિન્દુઓ મંદિરોમાં પૂજા કરે છે અને આવી સ્થિતિમાં, સ્ટોલ પર ઈંડા કે માંસાહારી વસ્તુઓ વેચવી યોગ્ય નથી. તેથી, આ બાબતે મ્યુનિસિપલ કોર્પોરેશન કમિશનરને પત્ર લખવામાં આવ્યો છે અને કમિશનર સાથે પણ ચર્ચા કરવામાં આવી છે. મ્યુનિસિપલ કોર્પોરેશન કમિશનરે ખાતરી આપી છે કે ટૂંક સમયમાં આદેશ જારી કરવામાં આવશે. આ બાબતે ટૂંક સમયમાં આદેશ જારી કરવામાં આવશે.” આ પ્રસ્તાવને લઈને વિવાદ શરૂ થયો છે.
અગાઉ 15 નવેમ્બર, 2021 ના રોજ, અમદાવાદ મ્યુનિસિપલ કોર્પોરેશનની ટાઉન પ્લાનિંગ કમિટીએ અમદાવાદ શહેરના મુખ્ય રસ્તાઓ, શાળાઓ, કોલેજો, ધાર્મિક સ્થળો, બગીચાઓ અથવા કોમ્યુનિટી હોલની નજીકના વિસ્તારોમાંથી ઇંડા અને અન્ય માંસાહારી સ્ટોલ દૂર કરવાનો આદેશ આપ્યો હતો, જેના કારણે ઘણો વિવાદ થયો હતો. શહેરના તમામ રસ્તાઓ પરથી માંસાહારી કે ઈંડાના સ્ટોલ દૂર કરવાનો આદેશ આપ્યા બાદ, અમદાવાદ મ્યુનિસિપલ કોર્પોરેશનને પોતાનો નિર્ણય પાછો ખેંચવો પડ્યો.
આ પણ વાંચો:AMC માં મ્યુનિસિપલ કમિશનરો અને ડેપ્યુટી હેલ્થ ઓફિસરોની કરાઈ બદલી
આ પણ વાંચો:રાજકોટના TRP ગેમઝોન અગ્નિકાંડમાં બે પૂર્વ મ્યુનિસિપલ કમિશનર બેદાગ
