મુંબઈ ક્રિકેટ એસોસિએશન (MCA)નાં પ્રમુખ વિજય પાટીલે એમસીએ મ્યુઝિયમ માટે 10 વિકેટ લનાર બોલ દાન કરવા પર ન્યૂઝીલેન્ડનાં સ્પિનર એજાઝ પટેલનાં વખાણ કર્યા છે અને કહ્યું છે કે આ બોલ ‘પ્રાઈડ ઑફ પેલેસ’ હશે. પાટીલે કહ્યું, “એજાઝ પટેલે વાનખેડે સ્ટેડિયમમાં જે હાંસલ કર્યું તે એકદમ અસાધારણ હતું.
આ પણ વાંચો – પદયાત્રા / કોંગ્રેસની અમેઠીમાં શનિવારે પદયાત્રા,પ્રિયંકા ગાંધી સાથે રાહુલ ગાંધી પણ યાત્રામાં જોડાશે…
જણાવી દઇએ કે, તેણે આ પરાક્રમ આપણા પ્રતિષ્ઠિત (વાનખેડે) સ્ટેડિયમમાં હાંસિલ કર્યુ હતું. આ આ ઐતિહાસિક મેદાનની યાદોમાં ઉમેરો કરે છે.” મુંબઈમાં જન્મેલા 34 વર્ષીય ડાબોડી સ્પિનરે આ મહિનાની શરૂઆતમાં ભારત સામેની બીજી ટેસ્ટની પ્રથમ ઇનિંગમાં તમામ 10 વિકેટો લીધી હતી. તે જિમ લેકર (1956) અને અનિલ કુંબલે (1999) પછી આવું કરનાર વિશ્વનો માત્ર ત્રીજો બોલર બન્યો. પાટીલે કહ્યું, “તેના મૂળ મુંબઈથી છે, તેથી આવી સ્થિતિમાં આ સિદ્ધિ વધુ વિશેષ બની જાય છે.” પાટીલે કહ્યું, “તેણે સાબિત કર્યું છે કે તેનું હૃદય મોટું છે. આ સિદ્ધિ હાંસલ કર્યા પછી, તેણે અમને 10 વિકેટ લેવાનો યાદગાર બોલ આપીને ઉદારતા દર્શાવી છે. આ એવી વસ્તુ છે જેને અમે ખૂબ મહત્વ આપીએ છીએ અને તે અમારા MCA મ્યુઝિયમનું ગૌરવ હશે.” પાટીલે કહ્યું કે આ મ્યુઝિયમ યુવાનોને પ્રેરણા આપશે.
આ પણ વાંચો – 71ના યુદ્ધની કહાની / જ્યારે અમેરિકા પાકિસ્તાનની મદદ કરવા ભારત સામે આવી રહ્યું હતું ત્યારે રશિયાએ આ રીતે રોક્યો હતો
“મને લાગે છે કે તે (મ્યુઝિયમની સ્થાપના) એક યોગ્ય પગલું છે કારણ કે અમારી (મુંબઈ ક્રિકેટ) પાસે એક વિશાળ વારસો છે. અમારા લગભગ 80 ખેલાડીઓ આંતરરાષ્ટ્રીય ક્રિકેટ રમી ચૂક્યા છે અને ભારતીય બેટ્સમેનોએ બનાવેલા પાંચમાં ભાગનાં રન મુંબઈનાં ખેલાડીઓનાં બેટથી આવ્યા છે. આપણા સમૃદ્ધ વારસાને જાળવવાનું પગલું વર્તમાન અને ભાવિ ક્રિકેટરોને પણ પ્રેરણા આપશે.” ભારતે 2011માં વાનખેડે સ્ટેડિયમમાં જ મહેન્દ્ર સિંહ ધોનીની સિક્સર વડે ODI વર્લ્ડકપનો ખિતાબ જીત્યો હતો. પાટીલે કહ્યું, “તે ખૂબ જ ખાસ ક્ષણો હતી, 2011નો વર્લ્ડકપ ચોક્કસપણે ભારતીય ક્રિકેટ ઈતિહાસની સૌથી ખુશીની અને સૌથી ખાસ ક્ષણ હતી. આ પરાક્રમ વાનખેડે સ્ટેડિયમમાં થયું હતું. તેની યાદો આપણા હૃદયમાં છે.
