ચૂંટણી પંચે આખરે પંજાબ વિધાનસભા ચૂંટણીની તારીખમાં ફેરફાર કર્યો છે. હવે પંજાબમાં 14 ફેબ્રુઆરીના બદલે 20 ફેબ્રુઆરી 2022ના રોજ મતદાન થશે. સંત રવિદાસ જયંતિના કારણે લગભગ તમામ રાજકીય પક્ષો દ્વારા તેની માંગ કરવામાં આવી હતી. મતદાનની તારીખ એક સપ્તાહ આગળ વધારવા વિનંતી કરવામાં આવી હતી.
આ પણ વાંચો :પંજાબમાં AAPના મુખ્યમંત્રી પદના ઉમેદવાર કોણ હશે? આવતીકાલે કરવામાં આવશે જાહેરાત
જણાવી દઈએ કે ચૂંટણી પંચે સોમવારે આ મુદ્દે એક મહત્વપૂર્ણ બેઠક યોજી હતી. આ બેઠકમાં સીએમ ચરણજીત સિંહ ચન્ની, ભાજપ અને પંજાબ લોક કોંગ્રેસ પાર્ટીના પત્ર પર ચર્ચા કરવામાં આવી હતી. બધાએ ચૂંટણી પંચને પત્ર લખીને 16 ફેબ્રુઆરીએ ગુરુ રવિદાસ જયંતિને ધ્યાનમાં રાખીને મતદાનની તારીખ લંબાવવાની માંગ કરી છે. તમામ પક્ષોએ ચૂંટણી પંચને અલગ-અલગ પત્ર લખ્યા હતા. બહુજન સમાજ પાર્ટીએ પણ આ માંગ ઉઠાવી હતી.
આ પણ વાંચો :PM મોદીની સુરક્ષામાં રહેલી ક્ષતિની તપાસ કરી રહેલા ઇન્દુ મલ્હોત્રાને મળી ધમકી
પત્રમાં લખવામાં આવ્યું છે કે 16 ફેબ્રુઆરીએ ગુરુ રવિદાસ જયંતિના પવિત્ર તહેવારને કારણે રાજ્યનો મોટો વર્ગ અગાઉથી વારાણસી જઈ શકે છે. આવી સ્થિતિમાં જો રાજ્યમાં મતદાન થશે તો તે લોકો મતદાનના અધિકારથી વંચિત રહી જશે.
આ પણ વાંચો :પંડિત બિરજુ મહારાજનું નિધન એક યુગનો અંત: રાષ્ટ્રપતિ રામનાથ કોવિંદ
આ અપીલનો આધાર એવો આપવામાં આવ્યો હતો કે રાજ્યમાં રવિદાસિયા અને રામદાસી શીખો સહિત અનુસૂચિત જાતિની વસ્તી 32 ટકાથી વધુ છે, તેમાંથી મોટા ભાગના ગુરુ રવિદાસને આદર રાખે છે, તેથી આ ભક્તો દર વર્ષે ગુરુ રવિદાસ જયંતિ પર શ્રી ગુરુ મહારાજની ઉજવણી કરે છે. તે વારાણસી સ્થિત સમાધિમાં શ્રદ્ધાંજલિ આપવા જાય છે. લોકો શ્રી ગુરુ રવિદાસ સાથે સંકળાયેલા અન્ય પવિત્ર સ્થળો અને તીર્થસ્થાનોની પણ મુલાકાત લે છે. તેથી, જન્મજયંતિના બે દિવસ પહેલા 14 ફેબ્રુઆરીએ મતદાનનો દિવસ રાખવાથી મોટો ફરક પડશે કારણ કે લોકો બાગ કાશી યાત્રાએ ગયા હશે.
ઉલ્લેખનીય છે કે, પંજાબમાં હાલ કોંગ્રેસની સરકાર છે. વિધાનસભા ચૂંટણીમાં કોંગ્રેસ, આમ આદમી પાર્ટી, અકાલી દળ અને ભાજપ તથા પંજાબ લોક કોંગ્રેસ પાર્ટીનું ગઠબંધન વચ્ચે આકરી ટક્કર જોવા મળી શકે છે. તમામ રાજકીય પાર્ટીઓએ ચૂંટણી જીતવા માટે બરાબરની તાકાત લગાવી રહ્યા છે.
આ પણ વાંચો :ભાજપમાંથી હાંકી કાઢ્યા બાદ છલકાયા હરક સિંહ રાવતના આંસુ, કહ્યું- હવે હું કોંગ્રેસ…
આ પણ વાંચો : ભિવંડીની ફેક્ટરીમાં લાગી ભીષણ આગ, કરોડોની સંપત્તિ બળીને ખાખ
