રાજધાની દિલ્હીમાં વાહનોના પ્રદૂષણને ઘટાડવા અને ઇલેક્ટ્રિક વાહનોનો ઉપયોગ વધારવાના લક્ષ્ય સાથે, દિલ્હીની કેજરીવાલ સરકારે એક મહત્વપૂર્ણ આદેશ આપ્યો છે. સરકારે કહ્યું છે કે, 100 થી વધુ વાહનોની પાર્કિંગ ક્ષમતા ધરાવતા દિલ્હીના સિનેમા, મલ્ટીપ્લેક્સ, ઓફિસ સ્પેસ, હોટલ, રેસ્ટોરાં, હોસ્પિટલો વગેરે જેવા સ્થળોએ ઇલેક્ટ્રિક વાહનો માટે તેમની પાર્કિંગ ક્ષમતાનો 5 ટકા જગ્યા અનામત રાખવી પડશે.
સ્લો ઇલેક્ટ્રિક ચાર્જર્સ પણ ગોઠવવા પડશે
દિલ્હી સરકારે તેનાથી સંબંધિત ઔપચારિક આદેશો જારી કર્યા છે. ઉર્જા મંત્રાલય, દિલ્હી સરકાર દ્વારા જારી કરાયેલા આ હુકમ મુજબ ઇલેક્ટ્રિક વાહનો માટે પાર્કિંગની ક્ષમતાનો પાંચ ટકા બચાવ ઉપરાંત, સ્લો ઇલેક્ટ્રિક ચાર્જર્સની પણ પાર્કિંગમાં ગોઠવણ કરવાની રહેશે.
છ હજાર રૂપિયા સુધીની સબસિડી પણ આપવામાં આવશે
આદેશ અનુસાર, ઇલેક્ટ્રિક વાહન નીતિ હેઠળ, બધા સંકુલને ડિસેમ્બર સુધી તેમની સિસ્ટમ્સ અપગ્રેડ કરવાનો સમય આપવામાં આવ્યો છે. તેમજ આવા સંકુલોને ચાર્જિંગ પોઇન્ટ દીઠ છ હજાર રૂપિયા સુધીની સબસિડી પણ આપવામાં આવશે. આ નિર્ણય સાથે, ડિસેમ્બર સુધીમાં 10,000 થી વધુ ઇલેક્ટ્રિક વાહન ચાર્જર્સ દિલ્હીમાં ઉપલબ્ધ થી શકે છે.
ઇલેક્ટ્રિક વાહનની ખરીદી માટે સબસિડી મળશે
આપને જણાવી દઈએ કે દિલ્હીમાં રોજગારીની તકો ઉભી કરવા અને પ્રદૂષણનું સ્તર ઘટાડવા માટે સીએમ અરવિંદ કેજરીવાલે ગયા વર્ષે 7 ઓગસ્ટે ઇલેક્ટ્રિક વાહન નીતિ શરૂ કરી હતી. આ માટે, આખી ઇકોસિસ્ટમ દિલ્હીમાં બનાવવામાં આવી રહી છે. જો તમારે દિલ્હીમાં ઇલેક્ટ્રિક વાહન ખરીદવું છે, તો સરકાર પણ તમારા ખાતામાં સબસિડી જમા કરશે. ટુ વ્હીલર્સ વાહન પર 30 હજાર રૂપિયા આપશે જ્યારે ફોર વ્હીલર્સ 1.5 લાખ રૂપિયાની સબસિડી આપશે.
