ગાઝિયાબાદની IMS એન્જિનિયરિંગ કોલેજમાં એક અકસ્માત થયો છે. થાણા મસૂરી ખાતે IMS કોલેજની લિફ્ટ તૂટી હોવાની ઘટના સામે આવતા ચકચાર મચી ગઈ છે. લિફ્ટમાં 8 વિદ્યાર્થીઓ હતા, જેમાંથી 5 વિદ્યાર્થીઓ ઘાયલ થયા છે, જેમાંથી ત્રણની હાલત ગંભીર છે. ઘાયલોને નજીકની મણિપાલ હોસ્પિટલમાં દાખલ કરવામાં આવ્યા છે.
આ અકસ્માત નેશનલ હાઈવે-24 પર ડાસના પાસે સ્પિરિચ્યુઅલ નગર સ્થિત IMS એન્જિનિયરિંગ કોલેજમાં થયો હતો. કોલેજની એક બિલ્ડીંગમાં 8 વિદ્યાર્થીઓ લિફ્ટમાંથી ઉપરના માળે જઈ રહ્યા હતા ત્યારે અચાનક લિફ્ટ તૂટીને નીચે પડી ગઈ હતી. આ અકસ્માતમાં પાંચ વિદ્યાર્થીઓ ગંભીર રીતે ઘાયલ થયા હતા.
માહિતી મળતાની સાથે જ કોલેજ પ્રશાસને લિફ્ટમાં ફસાયેલા ઘાયલ વિદ્યાર્થીઓને બહાર કાઢ્યા અને તેમને તાત્કાલિક નજીકની મણિપાલ હોસ્પિટલમાં મોકલ્યા. ઘાયલોમાં ત્રણ વિદ્યાર્થીઓની હાલત નાજુક છે. હાલ તમામની સારવાર તબીબોની દેખરેખ હેઠળ ચાલી રહી છે. આ અકસ્માત અંગે વિદ્યાર્થીઓના પરિવારજનોને પણ જાણ કરવામાં આવી છે.
આ પણ વાંચો:બર્ડ ફ્લૂના H3N8 સ્ટ્રેનનો ચેપ માનવીને લાગ્યો,પ્રથમ કેસ નોંધાયો,જાણો વિગત