ઈંગ્લેન્ડને મોટો આંચકો લાગ્યો છે કારણ કે ડાબા હાથનાં ઝડપી બોલર ટાઇમલ મિલ્સ જમણી જાંઘમાં ઈજાને કારણે ચાલી રહેલા ICC T20 વર્લ્ડકપનાં બાકીનાં ભાગમાંથી બહાર થઈ ગયો છે. મિલ્સ સોમવારે ઈજાને કારણે શારજાહમાં શ્રીલંકા વિરુદ્ધ ઈંગ્લેન્ડની જીત દરમિયાન મેદાનની બહાર થઈ ગયો હતો. ઈંગ્લેન્ડ અને વેલ્સ ક્રિકેટ બોર્ડે ટ્વિટર પર આ જાહેરાત કરી છે.
આ પણ વાંચો – T20 World Cup / દિવાળી પહેલા રોહિત અને રાહુલે કર્યો મોટો ધડાકો, રચ્યો ઈતિહાસ
આપને જણાવી દઇએ કે, ઈંગ્લેન્ડને બુધવારે મોટો આંચકો લાગ્યો હતો અને ઝડપી બોલર ટાઇમલ મિલ્સ ઇજાને કારણે T20 વર્લ્ડકપ-2021માંથી બહાર થઇ ગયો હતો. ઈંગ્લેન્ડ એન્ડ વેલ્સ ક્રિકેટ બોર્ડ (ECB) એ બુધવારે આની પુષ્ટિ કરી હતી. ECB દ્વારા જારી કરવામાં આવેલા નિવેદન અનુસાર, મિલ્સની જમણી જાંઘ પર ઈજા થઇ છે અને તે બાકીની ICC ટૂર્નામેન્ટમાં ભાગ લઈ શકશે નહીં. તેના સ્થાને ડાબોડી ફાસ્ટ બોલર રીસ ટોપલીને ટીમમાં સામેલ કરવામાં આવ્યો છે. મિલ્સ અત્યાર સુધી આદિલ રાશિદ સાથે ટૂર્નામેન્ટમાં ઈંગ્લેન્ડનો સંયુક્ત અગ્રણી વિકેટ લેનાર છે, તેણે 15.42ની સરેરાશ અને 8નાં ઈકોનોમી રેટથી સાત વિકેટ લીધી છે. ઈંગ્લેન્ડ અને વેલ્સ ક્રિકેટ બોર્ડ (ECB) એ મંગળવારે રાત્રે સ્કેન પરિણામો પછી એક નિવેદનમાં કહ્યું: “ઈંગ્લેન્ડનો બોલર ટાઇમલ મિલ્સ તેની જમણી જાંઘ પર ઈજાનાં કારણે ICC મેન્સ T20 વર્લ્ડકપમાંથી બહાર થઈ ગયો છે. સોમવારે શારજાહમાં શ્રીલંકા વિરુદ્ધ T20 વર્લ્ડકપની સુપર 12 મેચ દરમિયાન મિલ્સ ઈજાગ્રસ્ત થઇ ગયો હતો. ટ્રાવેલિંગ રિઝર્વ તરીકેની ભૂમિકાને પગલે રીસ ટોપલીને ઈંગ્લેન્ડ વર્લ્ડકપની ટીમમાં સામેલ કરવામાં આવ્યો છે.
આ પણ વાંચો – T20 World Cup / ગુપ્ટિલે તોફાની ઈનિંગ રમતા રચ્યો ઈતિહાસ, આમ કરનાર વિશ્વનો બીજો ખેલાડી બન્યો
મિલ્સ સોમવારે શારજાહમાં શ્રીલંકા વિરુદ્ધ સુપર 12માં ઈંગ્લેન્ડની ગ્રુપ 1 મેચ દરમિયાન મેદાનની બહાર નીકળી ગયો હતો. 14મી ઓવરમાં તેની ચોથી બોલ ફેંકતા પહેલા, 29 વર્ષીય બોલિંગ કરવા આવ્યો અને અધવચ્ચે જ અટકી ગયો. તેણે કેપ્ટન ઈયોન મોર્ગન સાથે વાત કરી અને પછી મેદાન છોડી દીધું. મિલ્સ બાકીની મેચમાં પરત ફર્યો ન હતો, જો કે ઈંગ્લેન્ડ 26 રનથી જીત્યું હતું.
