મુંબઈ,
બોલીવુડ અભિનેત્રી જેકલીન ફર્નાન્ડિઝ જાણે છે કે પોતાની સાથે કામ કરનારાને કેવી રીતે ખુશ રાખવા જાઈએ. તે પોતાની સાથે કામ કરનારાઓને પોતાના પરિવારની જેમ જ માને છે. હાલમાં જ તેણે પોતાના મેકઅપ આર્ટિસ્ટ શાનના જન્મદિવસ નિમિત્તે તેને મોંઘી કાર ભેટમાં આપી. જેકલિન શાનની સાથે કેટલાક વર્ષોથી કામ કરી રહી છે.
તેણે શાનના જન્મદિવસ નિમિત્તે આ સરપ્રાઈઝ ગિફ્ટ આપ્યુ. શાને પોતાને મળેલ ગિફ્ટ અંગે જેકલીનનો આભાર વ્યક્ત કરતો એક વીડિયો સોશિયલ મીડિયા પર પોસ્ટ કર્યો. જેકલીન શાનને ખૂબ જ માને છે અને તેની સાથે સોશિયલ મીડિયા પર ફોટો શેર કરતી રહે છે.
શાને પોતાના જન્મદિન નિમિત્તે જેકલીન તરફથી મળેલ ગિફ્ટનો આભાર વ્યક્ત કરતા જણાવ્યુ કે, કંઈક આ રીતે મારા જન્મદિવસની શરુઆત થઈ, જેકલિને ખરેખર મને સરપ્રાઈઝ કરી દીધો. મહત્વનુ છે કે, જેકલીન ફર્નાન્ડીઝ હાલ સલમાન ખાન સાથેની ફિલ્મ રેસ-૩ને લઈ વ્યસ્ત છે.
