મુંબઈ
સાહેબ બીવી ઔર ગેંગસ્ટરની પ્રથમ કડીથી જ આ સીરીઝ સાથે જોડાયેલ અભિનેતા જિમી શેરગીલ હવે ‘સાહેબ બીવી ઔર ગેંગસ્ટર-3’માં પણ જોવા મળશે.
આ ફિલ્મમાં તેનો ફર્સ્ટલૂક પણ લોન્ચ કરવામાં આવ્યો છે, જેમાં તે ખૂબ જ ઈમ્પ્રેસીવ અંદાજમાં જોવા મળી રહ્યો છે. લોન્ચ કરાયેલ મોશન પોસ્ટરમાં જિમી શેરગીલ સાહબના પાત્રમાં જોવા મળી રહ્યો છે. સ્ટાઈલિશ મુંછો અને કડક તેવરવાળા તેનો અંદાજ જોવા જેવો છે. આ લૂકમાં જિમી ખામોશી બાદ આવતા તૂફાનને સ્પષ્ટ રીતે રજુ કરતો હોય તેવુ લાગી રહ્યુ છે. આ પોસ્ટર ખૂબ જ દમદાર છે, જે માટે દર્શકોને ફિલ્મ પ્રત્યેનો ઉત્સાહ વધારે તેવુ છે.
આપને જણાવી દઈએ કે જિમી ગત વર્ષે આવેલ ફિલ્મ મુક્કાબાજમાં પણ નજરે પડ્યો હતો, જેમાં તેની એક્ટિંગની ખૂબ જ પ્રશંસા થઈ હતી અને હવે પ્રશંસકો તેને સાહેબ બીવી ઔર ગેંગસ્ટર-૩માં જાવા માટે આતુર છે. આ ફિલ્મમાં જિમી ઉપરાંત સંજય દત્ત, માહી ગીલ, ચિત્રાંગદા સિંહ અને દીપક તિજારી પણ જોવા મળશે.