મુંબઈ
બોલિવૂડના સુપરસ્ટાર શાહરૂખ ખાન અને એક્ટ્રેસ રાની મુખર્જી ફિલ્મ ચલતે-ચલતે, પહેલી, કુછ કુછ હોતા હૈ જેવી ફિલ્મમાં સાથે કામ કરી ચુક્યા છે અને દર્શકો દ્રારા આ જોડીને પણ ખુબ જ પસંદ કરવામાં આવી છે.
આપને જણાવી દઈએ કે કિંગ ખાન ‘સૈલ્યૂટ’ નામની ફિલ્મ કરવાનું વિચારી રહ્યા છે. આ ફિલ્મ ભારતના પહેલા અંતરિક્ષ યાત્રી રાકેશ શર્માના જીવન પર આધારિત હશે. જો કે શાહરૂખ ખાનને હજુ સુધી આ ફિલ્મ સાઈન કરી નથી પરંતુ તેમને ઈચ્છા જરૂર વ્યક્ત કરી છે.
આ ફિલ્મમાં એક્ટ્રેસનો રોલ નાનો હોવાથી બોલિવૂડની કેટલીક નામી હિરોઈને આ ફિલ્મ કરવાની ના પાડી છે અને હવે આ ફિલ્મ માટે રાની મુખર્જી સાથે વાત કરવામાં આવી છે.
ઉલ્લેખનીય છે કે રાની લગ્ન અને બાળકો પછી ખુબ જ ઓછી ફિલ્મોમાં જોવા મળશે છે. આ વર્ષે રાની મુખર્જી ફિલ્મ ‘હિચકી’માં નજરે પડી હતી. કહેવામાં આવી રહ્યું છે કે આ ફિલ્મમાં રાની કામ કરી શકે છે અને જો આવુ થયું તો રાની મુખર્જી અને શાહરૂખ ખાનની જોડી ફરી એકવાર રૂપેરી પડદે જોવા મળી શકશે.
