- દુબઈના જેબેલ અલી પોર્ટ પર વિસ્ફોટ
- વિસ્ફોટને લીધે પોર્ટ પર ભયંકર આગ
- સમગ્ર દુબઈમાં સંભળાયો વિસ્ફોટનો અવાજ
- ઓઈલ ટેન્કરમાં વિસ્ફોટની આશંકા
- વિસ્ફોટ પાછળનું કારણ હજુ સ્પષ્ટ નહીં
- દુબઈ સિવિલ ડિફેન્સની ટીમ ઘટનાસ્થળે
દુબઈનાં જેબલ અલી બંદર પર વહાણની અંદરનાં કન્ટેનરમાં આગ લાગી હોવાનુ સામે આવી રહ્યુ છે. દુબઈની સિવિલ ડિફેન્સ ટીમ આગને કાબૂમાં લેવાનું કામ કરી રહી છે. સ્થાનિક મીડિયાએ પ્રત્યક્ષદર્શીઓનાં હવાલાથી જણાવ્યું છે કે સ્થાનિક સમય અનુસાર બુધવારે રાત્રે યુએઈનાં દુબઇ શહેરનાં કેટલાક ભાગોમાં એક વિસ્ફોટનો અવાજ સંભળાયો હતો.
મહામારીનો માર / UK માં કોરોનાનો કોહરામ, ઈન્ડોનેશિયામાં પહેલીવાર હજારથી વધુ મોત
દુબઈનાં જેબલ અલી બંદર પર બુધવારે શિપિંગ કન્ટેનરમાં આગ ભભૂકી ઉઠી હતી. દુબઇની મીડિયા કચેરીએ જણાવ્યું હતું કે આગ કાબૂમાં લેવામાં આવી છે અને બંદરનાં અધિકારીઓ “બંદરમાં વહાણોની સામાન્ય ગતિની ખાતરી કરવા માટે તમામ જરૂરી પગલાં લેશે.” મીડિયા કાર્યાલયનાં ટ્વિટર પર વીડિયો પોસ્ટ કર્યો જેમા ફાયરની ટીમ આગ પર કાબૂ મેળવવા માટે કામ કરતી જોવા મળી હતી, પરંતુ આ સમયે વિસ્ફોટનાં કારણ વિશેની માહિતી પ્રકાશિત કરવામાં આવી નથી.
તેલનો શરૂ થયો ખેલ / સાઉદી અરેબિયા અને UAE વચ્ચે Crude Oil ને લઇને તણાવ, ચિંતામાં ભારત
અધિકારીઓએ કોઈ જાનહાની થઇ નથી અને વધુમાં કહ્યું કે, સિવિલ ડિફેન્સનાં સભ્યોએ “કુશળતાપૂર્વક” કામ કર્યુ છે અને ડોક બનાવવાની તૈયારી કરી રહેલા વહાણનાં કન્ટેનરમાં લાગેલી આગનાં અંતિમ તબક્કાને નિયંત્રિત કર્યુ છે.” મીડિયા ઓફિસે અનેક વીડિયો પોસ્ટ કર્યા હતા, જેમાં ફાયરની ટીમ વિશાળ શિપિંગ કન્ટેનરોની આજુબાજુ જ્વાળાઓ દેખાઇ રહી છે. પ્રત્યક્ષદર્શીઓએ રોઇટર્સને કહ્યું કે તેઓએ બુધવારે સાંજે વિસ્ફોટ સાંભળ્યો હતો અને ત્યારબાદ ઇમરજન્સી વાહનો અને ફાયર એન્જિનો ઘટના સ્થળે દોડી આવ્યા હતા.