મુંબઈઃ બુધવારે યુએસ ફેડરલ રિઝર્વ દ્વારા વ્યાજ દરો યથાવત રાખવાના નિર્ણયને કારણે અમેરિકન બજારોમાં ઉછાળો જોવા મળ્યો હતો અને તેની અસર ભારતીય બજાર પર પણ જોવા મળી હતી. સ્થાનિક બજારો મજબૂત ઉછાળા સાથે ખુલવામાં સફળ રહ્યા છે અને રોકાણકારોના ચહેરા ચમકી ઉઠ્યા છે. માર્કેટની શરૂઆત 400 પોઈન્ટના ઉછાળા સાથે થઈ હતી અને સેન્સેક્સ તરત જ ટ્રેડિંગમાં 500 પોઈન્ટથી વધુનો ઉછાળો દર્શાવી રહ્યો છે.
શેરબજારની શરૂઆત કેવી રહી?
જો આજના માર્કેટ ઓપનિંગ પર નજર કરીએ તો સેન્સેક્સ 442.07 પોઈન્ટ અથવા 0.70 ટકાના વધારા સાથે 64,033 ના સ્તર પર ખુલ્યો છે. જ્યારે NSE નો નિફ્ટી 130.85 પોઈન્ટ અથવા 0.69 ટકાના વધારા સાથે 19,120.00 ના સ્તર પર ખુલ્યો હતો.
સેક્ટરલ ઈન્ડેક્સનું ચિત્ર શું છે?
નિફ્ટીના તમામ ક્ષેત્રીય સૂચકાંકો વધારા સાથે ટ્રેડ કરી રહ્યા છે અને રિયલ્ટી સેક્ટરમાં મહત્તમ 1.40 ટકાનો વધારો જોવા મળી રહ્યો છે. જ્યારે PSU શેરોમાં 1.38 ટકાનો ઉછાળો જોવા મળી રહ્યો છે. નાણાકીય સેવાઓમાં 1.34 ટકાનો વધારો નોંધવામાં આવ્યો છે. મીડિયા શેર 1.25 ટકા અને IT શેર 1.23 ટકા વધ્યા છે.
સેન્સેક્સ ટોપ ગેઇનર્સ
કોટક મહિન્દ્રા બેન્ક 1.92 ટકા, ઇન્ડસઇન્ડ બેન્ક 1.85 ટકા, ટાઇટન 1.61 ટકા, એક્સિસ બેન્ક 1.60 ટકા, ઇન્ફોસિસ 1.42 ટકા અને બજાજ ફાઇનાન્સ 1.36 ટકા વધ્યા છે. ભારતી એરટેલ 1.26 ટકાના વધારા સાથે અને એચસીએલ ટેલ 1.10 ટકાના વધારા સાથે ટ્રેડ કરી રહ્યો છે.
આ છે આજે શેરબજારની ખાસ વાતો
આજે આઈટી, બેન્કિંગ અને સ્મોલ-મિડિયમ શેરોમાં આવેલી તેજીના કારણે શેરબજારને ઘણો સપોર્ટ મળી રહ્યો છે. માર્કેટની શરૂઆતની મિનિટોમાં જ સેન્સેક્સમાં 500 પોઈન્ટનો ઉછાળો નોંધાયો છે. સેન્સેક્સના 30માંથી 28 શેરો ઉછાળા સાથે ટ્રેડ કરી રહ્યા છે, જ્યારે નિફ્ટીના 50માંથી 49 શેરો મજબૂત રીતે લીલા નિશાનમાં ટ્રેડ થઈ રહ્યા છે. સેન્સેક્સના માત્ર એક જ શેરમાં લાલ નિશાન છે અને આ સ્ટોક ટાટા સ્ટીલનો છે.
આ પણ વાંચોઃ Israel Hamas War/ યુદ્ધ બાદ ગાઝામાં હમાસનું શાસન પાછું અસંભવ, અમેરિકાએ ઈઝરાયેલના હુમલાને યોગ્ય ઠેરવ્યો
આ પણ વાંચોઃ Bokoharam/ નાઇજીરીયામાં ઇસ્લામિક આતંકવાદી જૂથ બોકો હરમે 37ને રહેંસી નાખ્યા
આ પણ વાંચોઃ Tmc Leaders/ લોકસભાની એથિક્સ કમિટી આજે ‘કેશ ફોર ક્વેરી’ મામલે કરશે મહુઆ મોઇત્રાની પૂછપરછ
