હર હર શંભુ ગીત ગાઈને સૌના દિલ જીતનાર ફરમાની નાઝના આ ગીતનો વીડિયો યુટ્યુબ પરથી હટાવી દેવામાં આવ્યો છે. આપને જણાવી દઈએ કે જ્યારે ફરમાનીએ આ ગીત ગાયું ત્યારે ઘણા લોકોએ તેને સપોર્ટ કર્યો હતો તો કેટલાકે તેને ટ્રોલ કરી હતી. જો કે આ દરમિયાન તેનું ગીત ખૂબ જ વાયરલ થઈ રહ્યું હતું. પરંતુ હવે ફરમાની અને તેના ચાહકો માટે ખરાબ સમાચાર છે. વાસ્તવમાં, ફરમાનીનું ગીત YouTube પરથી હટાવી દેવામાં આવ્યું છે. આ પાછળનું કારણ જાણીને તેના ચાહકો નિરાશ થઈ જશે. બીજી તરફ ફરમાનીને હવે વધુ ટ્રોલીંગનો સામનો કરવો પડી શકે છે.
કેમ હટાવ્યું ગીત
વાસ્તવમાં, આ ગીતને હટાવવાનું કારણ એ છે કે આ ગીતની નકલ કરવામાં આવી હતી અને વાસ્તવિક ગાયકો અને નિર્માતાઓને ક્રેડિટ આપવામાં આવી ન હતી. આ ગીતના લેખક જીતુ શર્માના કોપીરાઈટનો વિરોધ કર્યા બાદ યુટ્યુબે તેને હટાવી દીધું છે.
જીતુ શર્મા કહે છે કે આ ગીતના બોલ તેણે જ લખ્યા છે. જીતુએ એક ઈન્ટરવ્યુ દરમિયાન કહ્યું કે તેને ફરમાની નાઝના ગીત ‘હર હર શંભુ’થી કોઈ વાંધો નથી, પરંતુ આ ગીતનો શ્રેય તેને મળવો જોઈએ કારણ કે તેણે આ ગીત લખવામાં ઘણી મહેનત કરી છે. તેણે એ પણ જણાવ્યું કે આ ગીતના મૂળ કોપી રાઈટ્સ તેની પાસે છે.
કોણ છે ફરમાની નાઝ
વર્ષ 2017 માં, ફરમાની નાઝના લગ્ન થયા અને 1 વર્ષ પછી તેમને એક પુત્ર થયો. બાળકની હાલત સારી ન હતી, પરંતુ ફરમાનીના સાસરિયાઓએ સારવારનો ખર્ચ ઉઠાવવાની ના પાડી દીધી હતી. પછી ફરમાની તેના મામાના ઘરે પાછી ગઈ. ત્યાં તે બાળક સાથે રહેતી હતી. ફાતિમાએ જણાવ્યું હતું કે એકવાર ગામડાના એક છોકરાએ તેનું ગીત સાંભળ્યું અને પછી તેને એક ગીત ઓફર કર્યું અને તેને યુટ્યુબ પર રિલીઝ કર્યું.
ફરમાની નાઝને આનાથી ઘણી લોકપ્રિયતા મળી અને તે પછી તેણે ઈન્ડિયન આઈડલ 12માં ભાગ લીધો. જજને પણ ફરમાની ગાયકી ગમી. જો કે પુત્રની તબિયત બગડતાં ફરમાનીએ પરત જવું પડ્યું હતું. તે પછી તેણીએ તેના બાળકની સંભાળ રાખવાનું શરૂ કર્યું.
આ પણ વાંચો:15 ઓગસ્ટ પહેલા દિલ્હીમાં મોટું ષડયંત્ર નિષ્ફળ, 2,000 જીવતા કારતુસ મળ્યા
આ પણ વાંચો:સુપરટેક ટ્વીન ટાવરનું ડિમોલિશન મોકૂફ, જાણો ક્યારે તોડવામાં આવશે બિલ્ડિંગ
આ પણ વાંચો:ગુજરાતના યોગી અને કચ્છના મહંત દેવનાથ બાપુને માથું ધડથી અલગ કરી દેવાની મળી ધમકી
