મુંબઈના ડ્રગ્સ ફેક્ટરી કેસમાં નાર્કોટિક્સ કંટ્રોલ બ્યુરોએ પાંચમી ધરપકડ કરી છે. પકડાયેલા પાંચમા આરોપીનું નામ વિક્રાંત જૈન ઉર્ફે વિકી જૈન છે. વિક્કીની ભિવંડીથી ધરપકડ કરવામાં આવી છે. એનસીબીના મતે, વિકી રાહુલ વર્મા અને ચિંકુ પઠાણના ફાઇનાન્સર છે. અગાઉ એનસીબીએ સલમાન નાસિર ઉર્ફે સલમાન પઠાણને પકડ્યો હતો.
ચાર દિવસ પહેલા (બુધવારે) નાર્કોટિક્સ કંટ્રોલ બ્યુરોએ દક્ષિણ મુંબઈના ડોંગરી વિસ્તારમાં આવેલી એક લેબ પર દરોડો પાડ્યો હતો અને 12 કિલોથી વધુનો માદક પદાર્થ, રૂ. 2.18 કરોડની રોકડ અને એક રિવોલ્વર કબજે કરી હતી. આ કાર્યવાહીમાં બ્યુરોએ ડ્રગ્સ રેકેટ ચલાવવા બદલ ભાગેડુ માફિયા સરગના દાઉદ ઇબ્રાહિમના પૌત્રી પરવેઝ ખાન ઉર્ફે ચિંકુ પઠાણ સહિત ત્રણ લોકોની ધરપકડ કરી હતી.
બાદમાં એનસીબીના અધિકારીઓએ ઝાકીર હુસેન ફઝલ હક અને ચિંકુ પઠાણના પાડોશી સાથે ડીજી અને રાપર રાહુલ કુમાર વર્માની સાથે થાણાના ભિવંડીથી ધરપકડ કરી હતી.
એનસીબીના એક અધિકારીએ જણાવ્યું હતું કે એનસીબી અન્ડરવર્લ્ડ નિયંત્રિત ડ્રગના વેપારની તપાસ કરી રહી છે અને અગાઉ ભાગેડુ માફિયા ડોન દાઉદ ઇબ્રાહિમની મદદ કરવાના આરોપમાં ચિંકુ પઠાણ ઉર્ફે પરવેઝ ખાનની ધરપકડ કરી હતી તેમણે કહ્યું કે આ કેસમાં બે અન્ય લોકોની પણ ધરપકડ કરવામાં આવી છે.
મંતવ્ય ન્યૂઝ દ્વારા જાહેર અપીલ –
દેશ – દુનિયા સહિત ગુજરાતમાં પણ કોરોનાએ જ્યારે ફરી માંથુ ઉચક્યુ છે, ત્યારે અમે મંતવ્ય ન્યૂઝ તમામ નાગરીકોને અપીલ કરીએ છીએ કે, આ સમયે કોરોનાથી ડરવાની નહીં, પરંતુ સંયમ સાથે વર્તવાની જરુર છે. બને તેટલો જાહેર સંપર્ક ટાળો, કોરોના માર્ગદર્શીકા અને સરકારનાં સૂચનોનું ચુસ્તપણે પાલન કરો અને સ્વજનોને પણ કરાવો. આ કાળમાં તકેદારીએ જ સ્વસ્થ્ય હોય સંયમ સાથે નિયમોનું પાલન કરી એક જાગૃત નાગરીકની ફરજ બજાવો…
