Srimathy Kesan Space: ચેન્નાઈની શ્રીમથિ કેસને ઈતિહાસ રચી દીધો છે. કેસન શૂન્ય ગુરુત્વાકર્ષણમાં ઉડાન ભરનારી ભારતની પ્રથમ મહિલા બની છે. નાસાએ કેસનને ઈતિહાસ રચવાની તક આપી. તેને અમેરિકામાં સેલિબ્રિટી સ્પેસ મિશન દ્વારા ઝીરો ગ્રેવીટીનો અનુભવ કરવાનો મોકો મળ્યો.
9 ડિસેમ્બરના રોજ એપોલો 17ના ચંદ્ર ઉતરાણની 50મી વર્ષગાંઠની ઉજવણી કરવામાં આવી હતી. આ પ્રસંગે અમેરિકન સંસ્થા સ્પેસ ફોર બેટર વર્લ્ડ દ્વારા એક કાર્યક્રમનું આયોજન કરવામાં આવ્યું હતું. જેમાં ઝીરો ગ્રેવીટીમાં ઉડવાની તક આપવામાં આવી હતી. આ કાર્યક્રમમાં ભારતના શ્રીમથિ કેસનને પણ શૂન્ય ગુરુત્વાકર્ષણમાં ઉડવાની તક આપવામાં આવી હતી. કેશને 3 કલાક સુધી આ ફ્લાઈટનો ભાગ બનીને ઈતિહાસ રચ્યો હતો. કેસન કેનેડી સ્પેસ સેન્ટર ખાતે સ્પેસ શટલ રનવે પરથી ઉડાન ભરી હતી. તે લગભગ 3 કલાક સુધી આ ફ્લાઇટનો ભાગ હતા. આ દરમિયાન, કેસન અવકાશયાત્રી ચાર્લી ડ્યુક અને પોપી નોર્થકટ સાથે હતા, જે નાસાના મિશન કંટ્રોલમાં કામ કરનાર પ્રથમ મહિલા છે. શૂન્ય ગુરુત્વાકર્ષણની સફર દરમિયાન કેસન હાથમાં ત્રિરંગો ધ્વજ લઈને ફરતા હતા.
ડોક્ટર શ્રીમથિ કેસેન કોણ છે?
શ્રીમથિ કેસન સ્પેસ એજ્યુકેટર છે અને ભારતીય એરોસ્પેસ કંપની સ્પેસ કિડ્ઝ ઈન્ડિયાના સ્થાપક અને સીઈઓ છે. કેસનને યુએસમાં નાસાના કેનેડી સ્પેસ સેન્ટરમાં સેલિબ્રિટી મિશન પર ઉડવાની તક મળી. આ કાર્યક્રમનું આયોજન સ્પેસ ફોર અ બેટર વર્લ્ડના સ્થાપક ક્રિસ્ટીના કોર્પ અને સેલિબ્રિટી અવકાશયાત્રી રેંગલરે કર્યું હતું.
આ પછી કેશને જણાવ્યું કે હું છેલ્લા 10 વર્ષથી સ્પેસ ઈન્ડસ્ટ્રીમાં કામ કરી રહી છું. અવકાશ એક વ્યસન છે અને અવકાશયાત્રી બનવું એ વિશ્વના અનુભવની બહાર છે. મારા માટે અવકાશમાં મુસાફરી કરવી ખૂબ જ મુશ્કેલ હતી. તેમણે કહ્યું કે હું ભારતની પહેલી મહિલા છું જેણે ઝીરો ગ્રેવિટીનો અનુભવ કર્યો છે. શૂન્ય ગુરુત્વાકર્ષણ અને ચંદ્ર ગુરુત્વાકર્ષણમાં ઉડવું આશ્ચર્યજનક અને રોમાંચક હતું.
આ પણ વાંચો: Anti Conversion Law/ધર્મપરિવર્તન કરનારાઓ પર કડક કાર્યવાહી કરાશે, થશે 10 વર્ષની સજા
આ પણ વાંચો: Suicide Case/20 વર્ષની અભિનેત્રી તુનિષા શર્માએ કર્યો આપઘાત, સિરિયલ સેટ પર જ લગાવી ફાંસી
આ પણ વાંચો: Christmas/ક્રિસમસ પર ઘર અને ચર્ચને ઘંટડીઓ અને મીણબત્તીથી કેમ સજાવવામાં આવે છે ?
