મૌસમ વિભાગ દ્વારા ગુજરાતમાં આગામી પાંચ દિવસ ભારેથી અતિભારે વરસાદની આગાહી કરવામાં આવી છે. ત્યારે હજુ મેઘો વધુ પાંચ દિવસ ગુજરાતને ધરમોળશે. ગુજરાતમાં ઉત્તર, મધ્ય અને દક્ષિણ ગુજરાત સહિત સૌરાષ્ટ્રમાં વિશેષ વરસાદ વરસવાની મૌસમ વિભાગ દ્વારા જાણકારી આપવામા આવી રહી છે. ત્યારે મધ્યપ્રદેશમાં સર્જાયેલું લૉ-પ્રેશર આગામી બે  અઠવાડીયા માટે સક્રિય થઇ ગુજરાતને ભારે વરસાદથી તરબોળ કરે તેવી ચેતાવણી આપવામાં આવી છે.

હાલ રાજ્યભરમાં પડી રહેલ વરસાદ દરિયામાં સક્રિય બેં સાયક્લોનિક સર્ક્યુલેશનનાં કારણે નોંધવામાં આવી રહ્યો છે. ત્યારે ત્રીજા લો-પ્રેશર સર્જાવાને કારણે હાલત વધારે ગંભીર બને તેવી વકી જોવામાં આવી રહી છે. રાજ્યભરમાં વરસાદી માહોલ જામ્યો છે અને કચ્છથી માંડી કાઠિયાવાડ અને ઉત્તર,મધ્ય સહિત દક્ષિણ ગુજરાતમાં આગામી પાંચ દિવસો માટે ભારે વરસાદ રહેશે.