પાકિસ્તાનમાં બોમ્બ બ્લાસ્ટની ઘટના સામાન્ય થઇ ગઇ છે,ગઇકાલે રાત્રે સ્વાતના બારા બંદાઇ વિસ્તારમાં રિમોટ કંટ્રોલ દ્વારા વિસ્ફોટ કરવામાં આવતા પાંચ લોકોના મોત નિપજ્યા છેે. આ વિસ્ફોટમાં શાંતિ સમિતિના સભ્યો સાથે પોલીસકર્મીઓ માર્યા ગયાના અહેવાલ પ્રાપ્ત થયા છે.
પોલીસના જણાવ્યા અનુસાર, મંગળવારે સ્વાતના બારા બંદાઈ વિસ્તારમાં “રિમોટ કંટ્રોલ” વિસ્ફોટમાં મૃત્યુ પામેલા પાંચ લોકોમાં શાંતિ સમિતિના સભ્ય અને તેના પોલીસ રક્ષકોનો સમાવેશ થાય છે.સ્વાત સ્ટેશન હાઉસ ઓફિસર (SHO) ફયાઝ ખાને જણાવ્યું હતું કે પ્રારંભિક તપાસ સૂચવે છે કે આ હુમલો “રિમોટ કંટ્રોલ બોમ્બ” હતો જેમણે શાંતિ સમિતિના ઇદ્રીસ ખાનને નિશાન બનાવ્યો હતો.તેમણે કહ્યું કે ખાન અને તેના પોલીસ ગાર્ડ, જેમની ઓળખ હેડ કોન્સ્ટેબલ રામબિલ અને કોન્સ્ટેબલ તૌહીદ તરીકે થઈ હતી, તેઓ એક વાહનમાં મુસાફરી કરી રહ્યા હતા જ્યારે કોટ કટાઈ ગામ નજીક સાંજે 6:30 વાગ્યે વિસ્ફોટ થયો હતો.હુમલામાં એક રાહદારી, સનાઉલ્લાહ અને અન્ય એક અજાણ્યા માણસનું પણ મોત થયું હતું. મૃતદેહોને સૈદુ શરીફ ટીચિંગ હોસ્પિટલમાં ખસેડવામાં આવ્યા છે.આ હુમલાની જવાબદારી તેહરીક-એ-તાલિબાન પાકિસ્તાન (TTP) એ હુમલાની જવાબદારી સ્વીકારી હતી.વિસ્ફોટની જાણ થતાં જ, ખૈબર પખ્તુનખ્વાના મુખ્ય પ્રધાન મહમૂદ ખાને આ ઘટનાની નોંધ લીધી અને પોલીસ મહાનિરીક્ષક પાસેથી રિપોર્ટ માંગ્યો છે.
ઉલ્લેખનીય છે કે આ વિસ્ફોટમાં શાંતિ સમિતિ” ના સભ્યને ટાર્ગેટ કરવામાં આવ્યા છે. મોડીરાત્રે થયેલા વિસ્ફોટમાં ઇદ્રીશ ખાનનનું મોત નિપજ્યું હતું જેમણે 2007 અને 2009 ની વચ્ચે તાલિબાન વિસ્તારમાં લડત આપી હતી ત્યારબાદ શાંતિ સમિતિની રચના કરી હતી.
