Pakistan Cricket Team: પાકિસ્તાન ક્રિકેટ ટીમ ICC T20 વર્લ્ડ કપમાંથી બહાર થવાની અણી પર છે. ઝિમ્બાબ્વે સામેની ટીમની હારથી ઘણું નુકસાન થયું છે. ભારત સામેની પ્રથમ મેચમાં મળેલી હાર બાદ ટીમ તેમાંથી બહાર આવવાનું વિચારી રહી હતી પરંતુ ફરી એ જ ભૂલનું પુનરાવર્તન કર્યું. ભારતના પૂર્વ બેટિંગ કોચ સંજય બાંગરે કહ્યું કે પાકિસ્તાનની ટીમ ક્યાં ખોટું કરી રહી છે. બાંગરે જણાવ્યું કે, “જેમ કે અમે તેમને એશિયા કપ દરમિયાન જ જોયા હતા, આ પાકિસ્તાની ટીમ બેટિંગમાં બાબર આઝમ અને મોહમ્મદ રિઝવાન પર વધુ નિર્ભર છે. બંને બેટ્સમેન આઉટ થતાની સાથે જ ડ્રેસિંગ રૂમની સ્થિતિ બગડી જાય છે, ડગ આઉટમાં પણ આવું જ કંઈક થાય છે અને તે કોઈ પણ રીતે સારો સંકેત નથી. ઈફ્તિખાર અને શાન મસૂદને ઘણો શ્રેય આપવો જોઈએ કારણ કે તેઓએ પણ ભારત સામેની ઈનિંગ્સને સંભાળી અને મેચમાં ટીમને વાપસી અપાવી.
તેમણે આગળ કહ્યું કે, “જુઓ હવે પાકિસ્તાનની ટીમે સત્ય પર ધ્યાન કેન્દ્રિત કરવાની જરૂર છે. તેઓ હવે શું મેળવવા જઈ રહ્યા છે? એ સાચું છે કે એવી ઘણી મેચો હતી જે તેના પક્ષમાં જઈ શકી હોત. બની શકે છે કે કેટલીક વરસાદથી વિક્ષેપિત મેચ તેમને બચાવી શકે. પરંતુ તેમણે તે વસ્તુઓ ગુમાવી દીધી જે તેના નિયંત્રણમાં હતી. જેમ તમે જુઓ છો, શાન મસૂદ અને શાદાબ ખાન આઉટ થઈ રહ્યા છે, પરંતુ છેલ્લી ઓવરમાં જ્યારે વસીમ અને નવાઝ રમી રહ્યા હતા, ત્યારે નવાઝ ખૂબ જ સારું પ્રદર્શન કરી શક્યો હતો અને તે બાદ આઉટ થયો. આટલો સમય વિતાવ્યા પછી પણ જો તમે મેચ પૂરી ન કરી શકો તો સવાલો ઉભા થશે.
આ પણ વાંચો: Gujarat Assembly Election 2022/ ગુજરાતના ગામડાઓ મારફતે સત્તા સુધી પહોંચવાની તૈયારીમાં કોંગ્રેસ, મલ્લિકાર્જુન ખડગેએ બનાવ્યો પ્લાન
આ પણ વાંચો: ગુજરાત/ 31 ઓક્ટોબરે PM થરાદથી ₹ 8000 કરોડથી વધુ મૂલ્યના વિકાસકાર્યોનું ખાતમુહૂર્ત અને જાહેરાત કરશે
