@સચીન પીઠવા, મંતવ્ય ન્યૂઝ – સુરેન્દ્રનગર
લીંબડી કોંગ્રેસનાં પીઢ રાજકીય આગેવાન તથા પૂર્વ ધારાસભ્ય હરીભાઈ ડોરીયાનું 94 વર્ષની જૈફ વયે નિધન થતાં લોકોમાં શોકનું મોજું ફરી વળ્યું છે. ગાંધી પરિવારની 3 પેઢી સાથે કામ કરનાર પૂર્વ ધારાસભ્યનાં નિધન થતાં કોંગ્રેસી કાર્યકરો શોકમાં ગરકાવ થઈ ગયા છે.
જમીન હડપવાનો આરોપ / રાકેશ ટિકૈત પર ભૂમાફિયા હોવાનો આરોપ, પીડિતાએ CM યોગીને ન્યાય માટે કરી અપીલ
હરીભાઈ રત્નાભાઈ ડોરીયાનો જન્મ તા.21 ડિસેમ્બર 1927 માં લીંબડી ખાતે થયો હતો. લીંબડી ઉંટડીનાં પુલ આવેલા નાનાવાસ વિસ્તારમાં તેમનું બાળપણ, યુવાની અને વ્યસ્તથ જીવન વિત્યુ હતું. 41 વર્ષની ઉંમરે હરીભાઈ ડોરીયા લીંબડી વિધાનસભા મત વિસ્તારનાં કોંગ્રેસનાં ધારાસભ્ય બન્યા હતા. વર્ષ-1981માં તેઓ એસટી બોર્ડનાં ચેરમેન બન્યા હતા. છેલ્લા 30 વર્ષોથી સળંગ લીંબડી સેવા સહકારી મંડળીનાં પ્રમુખ પદે બિરાજમાન રહ્યા છે. હરીભાઈ ડોરીયાની શારીરિક તંદુરસ્તી એટલી સારી હતી કે 90 વર્ષની ઉંમરે પણ તેઓ સાયકલ ચલાવી તમામ કામ જાતે જ કરતાં હતા. કોંગ્રેસનાં પીઢ અનુભવી હરીભાઈ ડોરીયા દેશનાં પૂર્વ પ્રધાનમંત્રી સ્વ.ઈન્દીરા ગાંધી, કોંગ્રેસનાં રાષ્ટ્રીય અધ્યક્ષા સોનિયા ગાંધી અને કોંગ્રેસનાં રાષ્ટ્રીય અધ્યક્ષ રાહુલ ગાંધી સાથે કામ કરી ચૂક્યા હતા. લીંબડીનાં પૂર્વ ધારાસભ્ય હરીભાઈ ડોરીયાનાં નિધનથી તેમના પરિવાર સાથે લોકોમાં શોકનું મોજું ફરી વળ્યું હતું.
