વડાપ્રધાન નરેન્દ્ર મોદીએ શનિવારે દિલ્હીના પ્રગતિ મેદાન ખાતે આયોજિત ઈન્ડિયા મોબાઈલ કોંગ્રેસમાં 5G સેવાની શરૂઆત કરી હતી. આ દરમિયાન નરેન્દ્ર મોદીએ 5G ટેક્નોલોજીનો ઉપયોગ કરીને કામ થતું જોયું. નરેન્દ્ર મોદી સ્વીડનમાં એરિક્સનના સ્ટોલ પરથી 5G ટેક્નોલોજીનો ઉપયોગ કરીને કાર ચલાવી છે.
કેન્દ્રીય મંત્રી પીયૂષ ગોયલે ટ્વિટર પર વડાપ્રધાન કાર ચલાવતા ફોટો શેર કરીને કહ્યું કે ભારત વિશ્વને ચલાવી રહ્યું છે. પીએમે ઓટોમેટેડ ગાઈડેડ વ્હીકલ (AGV)નું પરીક્ષણ કર્યું. કારને યુરોપના સ્વીડનમાં ઇન્ડોર કોર્સ પર મૂકવામાં આવી હતી. તેને 5Gની મદદથી દિલ્હીથી નેવિગેટ કરવામાં આવ્યો હતો.
નરેન્દ્ર મોદીએ 5G સેવાઓ શરૂ કરી
પીએમ નરેન્દ્ર મોદીએ શનિવારે IMC ઈવેન્ટમાં 5G સેવાઓ લોન્ચ કરી હતી. આ સાથે ભારતમાં 5Gની રાહ આખરે પૂરી થઈ ગઈ છે. યૂઝર્સ દિવાળી સુધી 5G સર્વિસનો આનંદ માણી શકશે. Airtel, Reliance Jio અને Qualcomm જેવી કેટલીક કંપનીઓએ PM નરેન્દ્ર મોદીને તેમની 5G સેવાઓ તેમજ તેમના લાભોનું પ્રદર્શન કર્યું.
AGV એક પોર્ટેબલ રોબોટ છે
વડાપ્રધાને ઓટોમેટેડ ગાઈડેડ વ્હીકલ (AGV) ચલાવ્યું. તે ઓટોનોમસ મોબાઈલ રોબોટ (AMR) થી અલગ છે. AGV એ પોર્ટેબલ રોબોટ છે જે ફ્લોર પર બનાવેલ લાઇન અથવા વાયર સાથે આગળ વધે છે. તે નેવિગેશન માટે રેડિયો તરંગો, કેમેરા, ચુંબક અથવા લેસરનો પણ ઉપયોગ કરી શકે છે. આવા વાહનોનો વારંવાર ઔદ્યોગિક કાર્યમાં ઉપયોગ થાય છે. તેઓ ફેક્ટરીઓ અથવા વેરહાઉસમાં ભારે સામગ્રીના પરિવહન માટે ઉપયોગમાં લેવાય છે.
આ પણ વાંચો:શહનાઝ ગિલની કોપી કરતા જોવા મળી મલાઈકા અરોરા? રેમ્પ વોક દરમિયાન કર્યું આવું…
આ પણ વાંચો:સાગર પાંડેના મોત પર સલમાન ખાનની આવી પ્રતિક્રિયા, લખ્યું- સપોર્ટ કરવા બદલ આભાર ભાઈ
આ પણ વાંચો:આ 8 શાકાહારી વસ્તુઓ નોનવેજ કરતાં વધુ ફાયદાકારક છે, આજે જ તેને ડાયટમાં સામેલ કરો
