દેશમાં આજથી ઘણા નિયમોમાં મોટા ફેરફાર થવાના છે. જેમાં બેંકિંગથી લઈને રાંધણગેસ સુધીના ભાવ સામેલ છે. બેંકિંગ સેક્ટરની વાત કરીએ તો SBI, PNB અને બેંક ઓફ બરોડા પોતાના નિયમોમાં કેટલાક ફેરફાર કરવા જઈ રહી છે, જે જાણવું ખૂબ જ જરૂરી છે. ચાલો કેટલાક મુખ્ય ફેરફારો પર એક નજર કરીએ…
સ્ટેટ બેંક ઓફ ઈન્ડિયાની IMPS સેવામાં ફેરફાર
સ્ટેટ બેંક ઓફ ઈન્ડિયા (SBI) એ RBI પછી દેશની બીજી સૌથી મોટી બેંક છે. આવી સ્થિતિમાં, ટ્રાન્ઝેક્શનના દરમાં કોઈપણ ફેરફારની અસર સામાન્ય લોકો પર પડે છે. તમને જણાવી દઈએ કે 1 ફેબ્રુઆરીથી બેંકના IMPS રેટમાં મોટો ફેરફાર થવા જઈ રહ્યો છે. સ્ટેટ બેંક હવે 2 લાખ રૂપિયા સુધીના IMPS પર કોઈ ચાર્જ વસૂલશે નહીં.
પંજાબ નેશનલ બેંકે કર્યો આ નિયમમાં બદલાવ
પંજાબ નેશનલ બેંકે પણ પોતાના નિયમોમાં કેટલાક ફેરફાર કર્યા છે. આ હેઠળ, જો ખાતામાં પૈસા ન હોવાને કારણે તમારો હપ્તો અથવા રોકાણ નિષ્ફળ જાય છે, તો તમારે 250 રૂપિયાનો દંડ ભરવો પડશે. અત્યાર સુધી આ દંડ 100 રૂપિયા હતો.
બેંક ઓફ બરોડા પણ આ નિયમમાં ફેરફાર કરી રહી છે
1 ફેબ્રુઆરીથી થઈ રહેલા ફેરફારોમાં બેંક ઓફ બરોડાના ચેક ક્લિયરન્સના નિયમો પણ સામેલ છે. આ અંતર્ગત બેંક ઓફ બરોડાના ગ્રાહકોએ 1 ફેબ્રુઆરીથી ચેક પેમેન્ટ માટે પોઝિટિવ પે સિસ્ટમનું પાલન કરવાનું રહેશે. એટલે કે હવે ચેક સંબંધિત માહિતી મોકલવી પડશે, તો જ તમારો ચેક ક્લિયર થશે. જાણકારી માટે તમને જણાવી દઈએ કે આ ફેરફારો 10 લાખ રૂપિયાથી વધુના ચેક ક્લિયરન્સ માટે છે.
ગેસ સિલિન્ડરની કિંમતમાં ફેરફાર થઈ શકે છે
નોંધનીય છે કે એલપીજીની કિંમત દર મહિનાની પહેલી તારીખે નક્કી કરવામાં આવે છે. આ વખતે બજેટ 1 ફેબ્રુઆરીએ રજૂ થવાનું છે, તેથી 1 ફેબ્રુઆરીએ સિલિન્ડરની કિંમતો પર શું અસર થશે તે જોવું રસપ્રદ રહેશે. જો ભાવ વધે કે ઘટે તો તેની અસર જનતાના ખિસ્સા પર ચોક્કસ પડશે.
કેન્દ્રીય નાણામંત્રી નિર્મલા સીતારમણ બજેટ રજૂ કરશે
નાણામંત્રી નિર્મલા સીતારમણ 1 ફેબ્રુઆરીએ કેન્દ્રીય બજેટ રજૂ કરશે. આ અંતર્ગત પ્રત્યક્ષ અને પરોક્ષ કરને લગતા નિયમોમાં ફેરફાર થઈ શકે છે.
