Daman News: દમણની SDP ઇન્ડસ્ટ્રીઝ દ્વારા ઉત્પાદિત ઘી (Ghee)ના તમામ વેરિઅન્ટ્સના વેચાણ પર ફૂડ સેફ્ટી એન્ડ સ્ટાન્ડર્ડ્સ ઓથોરિટી ઓફ ઈન્ડિયા (FSSAI) દ્વારા તાત્કાલિક અસરથી પ્રતિબંધ મૂકવામાં આવ્યો છે. આ કાર્યવાહી ભેળસેળ અને ગુણવત્તાના ધોરણોનું વારંવાર પાલન ન થવાના તારણો બાદ કરવામાં આવી છે.
SDP ઇન્ડસ્ટ્રીઝ સામે FSSAI ની કાર્યવાહી
FSSAIએ ડેઝિગ્નેટેડ ઓફિસર મારફતે M/s SDP ઇન્ડસ્ટ્રીઝ પ્રાઈવેટ લિમિટેડ, રીંગણવાડા, દમણ દ્વારા ઉત્પાદિત, સંગ્રહિત અથવા વેચવામાં આવતા ઘીના તમામ વેરિઅન્ટ્સ પર આગળના આદેશ સુધી પ્રતિબંધ મૂક્યો છે. આ પ્રતિબંધમાં “શ્રદ્ધા”, “શ્રી સરસ”, “ગોકુલ” સહિતની વિવિધ બ્રાન્ડ્સનો સમાવેશ થાય છે. 19 મે 2026ના રોજ FSSAI દ્વારા અમલીકરણ તપાસ અને સેમ્પલિંગ કરવામાં આવ્યું હતું.
આ દરમિયાન કંપની દ્વારા ઉત્પાદિત ઘીના અનેક નમૂના ધોરણો મુજબના ન હોવાનું સામે આવ્યું હતું. લેબોરેટરી તપાસમાં બીટા-સિટોસ્ટેરોલ (Beta Sitosterol) મળી આવ્યું હતું. આ એક વનસ્પતિ સ્ટીરોલ છે, જે શુદ્ધ ઘીમાં હોવું જોઈએ નહીં. આ ઉપરાંત ઘીની ફેટી એસિડ રચના પણ નિર્ધારિત ધોરણો અનુસાર ન હોવાનું જાણવા મળ્યું હતું. જેના કારણે ખાદ્ય સુરક્ષા (Food Safety) અંગે ગંભીર ચિંતા ઊભી થઈ છે.
અગાઉ પણ ધોરણોનું પાલન ન કરવાના મામલા
FSSAIના જણાવ્યા મુજબ, SDP ઇન્ડસ્ટ્રીઝના ઘીના ઉત્પાદનોમાં અગાઉ પણ વારંવાર ધોરણોનું પાલન ન થયું હોવાનું સામે આવ્યું છે. 2024 અને જાન્યુઆરી 2026 દરમિયાન લેવામાં આવેલા સર્વેલન્સ અને અમલીકરણના નમૂનાઓમાં પણ બીટા-સિટોસ્ટેરોલ, ફેટી એસિડ પ્રોફાઇલ, B.R. રીડિંગ, R.M. વેલ્યુ, સેપોનિફિકેશન વેલ્યુ અને પોલેન્સ્કે વેલ્યુ જેવા મહત્વના માપદંડોમાં ખામીઓ જોવા મળી હતી.
આ પણ વાંચો : પેકેટ ફૂડ પર ચેતવણી લેબલને લઈ સુપ્રીમ કોર્ટનું સખત વલણ, FSSAIને કોર્ટે કહ્યું- ‘ લોકાના સ્વાસ્થ્યને ગંભીરતાથી લો’
આ પણ વાંચો : પાન-મસાલાની પેકિંગને લઈને FSSAIનો મોટો નિર્ણય, પ્લાસ્ટિક પાઉચ પર પ્રતિબંધ
આ પણ વાંચો : FSSAIનો મોટો નિર્ણય: Pepsi, Red Bull સહિતની બ્રાન્ડ્સને ‘Energy Drink’ શબ્દ હટાવવા આદેશ
